بین الاقوامی اہل بیت(ع) نیوز ایجنسی ـ ابنا ـ کے مطابق، رہبر انقلاب اسلامی حضرت آیت اللہ العظمیٰ امام خامنہ ای (حفظہ اللہ) نے فرمایا: "امریکہ درحقیقت ایران کو نگلنا چاہتا ہے لیکن گذشتہ 47 سالوں کے دوران اسلامی جمہوری نظام اور ایران کے بہادر عوام نے اس کی حرص و لالچ کا مقابلہ کیا ہے اور یہ اسلامی جمہوریہ ایران اور امریکہ کے درمیان اس طویل جنگ و تنازع کی وجہ ہے۔"
رہبر انقلاب نے امریکیوں کے دعوؤں کے بارے میں فرمایا: "وہ اس سے پہلے ایرانی قوم کو ڈرانے کے لئے یہی کہتے تھے کہ "تمام آپشنز میز پر ہیں" اور البتہ انہیں البتبہ جان لینا چاہئے کہ اگر اس بارے وہ جنگ چھیڑ دیں تو یہ ایک "علاقائی جنگ" ہو جائے گی۔"
رہبر انقلاب نے اپنی تقریر کے آغاز پر 12 بہمن 1357 ھ ش ( یکم فروری 1978ع) کو امام خمینی (رضوان اللہ علیہ) کی قیادت میں عوامی یکجہتی اور آپ کے بے مثال عوامی استقبال کا حوالہ دیتے ہوئے فرمایا:: "امامؒ تمام خطرات اور دھمکیوں کے باوجود، ہمت و شجاعت کے ساتھ تہران پہنچے، اور عوام کا عظیم اور حیرت انگیز استقبال ایک نئے نظام کی تشکیل کے محرکات میں سے ایک تھا اور آپؒ نے اسی دن شاہی حکومت کے 'اسقاط' (اور کایا پلٹ) کا اعلان کیا۔"
رہبر معظم انقلاب نے ایک شخصی اور مطلق العنان آمرانہ حکومت کو ایک ایسی حکومت میں تبدیل کرنے کو ـ جس میں سب کچھ عوام کے ہاتھ میں ہو ـ اور دین دشمن پہلوی حکومت کے اسلام دشمنی پر مبنی اعمال کو ایک اسلامی عمل میں تبدیل کرنے کو ایران کے اس اسلامی نظام کی دو اہم خصوصیات قرار دیا امامؒ اور ایرانی قوم کی جدوجہد کے بدولت معرض وجود میں آیا، اور فرمایا: "اگر تمام حکام اپنے فرائض انجام دیتے تو ہم مذہبی طور پر اپنی ذمہ داریوں کو انجام دیتے، لیکن ہم حکومت کی ذمہ داری پوری کر لیتے۔ دینی اور اسلامی عمل۔"
رہبر انقاب نے شخصی اور آمرانہ مطلق العنان حکومت امامؒ اور ایرانی قوم کی جدوجہد کے نتیجے میں ـ ایک ایسی استبدادی حکومت کی ایک ایسی حکومت میں تحکومت میں تبدیل ہونے میں تبدیل ہونے کو، جہاں عوام ہر کام کرتے ہیں، اور پہلوی کے مذہب مخالف عمل کے اسلامی عمل میں تبدیل ہونے کو امام اور قوم کی جدوجہد سے پیدا ہونے والے نظام کی دو خصوصیات قرار دیا۔ انہوں نے مزید کہا: اگر تمام ذمہ داران اپنے فرائض پورے کرتے تو حکومت واقعی دینی بن جاتی، تاہم ہم نے بحیثیت مجموعی دینی اور اسلامی عمل میں ترقی کی ہے۔"
امام خامنہ ای (حفظہ اللہ) نے فرمایا: اسلامی جمہوری نظام کی ایک اور خصوصیت یہ ہے کہ اس نے ملک کو اس کے اصل مالکوں یعنی عوام کے حوالے کردیا اور اس ملک میں امریکی اثر و نفوذ کا خاتمہ کر دیا، اور اس کی طرف پھیلے ہوئے امریکی ہاتھ کو کاٹ ڈالا۔ یہ وہ اس نظام کی وہ خصوصیت ہے جس نے امریکہ کو گھبراہٹ اور پریشانی میں مبتلا کر دیا اور اسی دن سے وہ ایرانی قوم اور اسلامی نظام کے ساتھ دشمنی پر اتر آیا۔"
آپ نے حکومت کی عوامی نوعیت کی وضاحت کرتے ہوئے قوم میں خوداعتمادی کے جذبے کی بیداری کی طرف اشارہ کرتے ہوئے فرمایا: "امام حکیمؒ نے قوم کو اپنی عظیم صلاحیتوں اور ان کی ذاتی اور قومی اقدار سے آگاہ کر دیا اور "ہم نہیں کر سکتے" کے رویے کو "ہم کر سکتے ہیں" کے عقیدے میں تبدیل کر دیا جو انتہائی اہم پیشرفت تھی۔"
رہبر انقلاب نے فرمایا: "قاجار اور پہلوی حکومتوں کی غلط پالیسیوں، خودارادیت کے فقدان اور غیروں سے وابستگی کا نتیجہ یہ ہؤا کہ ایک "بڑی اور شاندار تہذیبی و ثقافتی تاریخ رکھنے والی" قوم "تذلیل شدہ اور پسماندہ" لوگوں میں تبدیل ہو گئی تھی۔"
آپ نے فرمایا: "اس دور میں ہم "سائنس و ٹیکنالوجی، سیاست، طرز زندگی، بین الاقوامی وقار، علاقائی کردار" اور ہر دوسرے شعبے میں پسماندہ ہو گئے تھے، لیکن امام خمینیؒ نے قوم میں "خود اعتمادی" کی روح پھونکی اور سمت کو 180 درجے بدل دیا۔"
امام خامنہ ای (حفظہ اللہ) نے ملک کے مختلف شعبوں میں ترقی اور پیشرفت کی یاد دہانی کراتے ہوئے فرمایا: "کون یقین کرسکتا تھا کہ ایرانی قوم کبھی اس مقام پر پہنچے گی کہ امریکی اس کے بنائے ہوئے ہتھیاروں کی نقل تیار کریں کریں گے؟ یہ سب خود اعتمادی، امید اور بلندہمتی کا نتیجہ ہے جو امام خمینیؒ نے "امید اور خوداعتمادی کے مظہر" کے طور پر قوم میں پیدا کر دی اور لوگوں کو محنت اور حرکت پر آمادہ کر دیا۔"
آپ نے بیرونی و اندرونی 'حقیقتاً خبیث' شیطانوں کے اس وسوسے کی طرف اشارہ کیا کہ 'ایرانی نوجوان کو کوئی امید نہيں ہے اور نہ ہی اسکا کوئی مستقبل ہے'، اور فرمایا: "ایرانی نوجوان کے پاس امید بھی ہے اور ہمت و حوصلہ بھی، اور وہ مستقبل کو بھی 'تمہیں حسرت میں چھوڑ کر' تعمیر کرکے دکھائے گا۔"
رہبر انقلاب اسلامی نے فرمایا: "22 بہمن (11 فروری ـ انقلاب کی فتح کا دن) اور 12 فروردین (یکم اپریل ـ عوامی رائے سے اسلامی جمہوریہ کے قیام کا دن) نیز ملک کی تمام ترقیوں اور پیشرفتوں کو 12 بہمن 1357 (یکم فروری 1979ع) کے مبارک دن کے ثمرات ہیں؛ اور اس عظیم دن کی برکات خدا کے فضل سے جاری رہیں گی۔"
امام خامنہ ای (حفظہ اللہ) نے کہا کہ "18 اور 19 دی" (8 اور 9 جنوری 2026ع) کے فتنے کی بنیاد امریکی اور صہیونی ہے۔ بلوائی دو گروپوں پر مشتمل تھے: "سرغنے" اور [ان کے] "پیادے"۔ جو سرغنے تھے ان میں سے بہت سارے گرفتار ہوئے ہیں، جیسا کہ خود ان کا اعتراف ہے کہ وہ اپنے ان پرتشدد اقدامات کے بدلے رقم وصول کرتے تھے اور مراکز پر حملہ کرنے اور نوجوانوں کو جمع کرنے اور متحرک کرنے کی تربیت حاصل کر چکے تھے۔ لیکن بلوائیوں کی ایک اور قسم جذباتی نوجوان تھے جن کے ساتھ ہمیں کوئی خاص مسئلہ نہیں ہے۔"
رہبر انقلاب اسلامی نے نے امریکی صدر کے بیانات کو حالیہ فتنے کی امریکی اور صہیونی نوعیت کی واضح علامت قرار دیا؛ اور فرمایا: "امریکی صدر نے صریحاً فتنہ گروں اور بلوائیوں سے ـ جنہیں وہ 'ایرانی عوام' کا نام دیتا ہے ـ سے کہا: 'آگے بڑھو، میں بھی آ رہا ہوں!' امریکی صدر کے نزدیک یہ چند ہزار بلوائی، ایرانی عوام تھے، لیکن 12 جون کو ملک بھر سڑکوں پر جمع ہونے والے کروڑوں عوام، ایرانی عوام نہیں تھے!"
امام خامنہ ای (حفظہ اللہ) نے فرمایا: "اسلامیہ جمہوریہ کی نئی فکر اور نئے راستے اور اس کا دنیا کے طاقتوروں کے مفادات سے ٹکراؤ ان کی دشمنی کے تسلسل کی وجہ ہے۔ اسی وجہ سے، حالیہ فتنہ نہ تو تہران میں پہلا فتنہ تھا اور نہ ہی یہ آخری فتنہ ہوگا، اور مستقبل میں ایسے واقعات دوبارہ پیش آسکتے ہیں۔"
رہبر انقلاب اسلامی نے مزید فرمایا: "یہ دشمنی اس وقت تک جاری رہے گی جب تک کہ ایرانی قوم استحکام اور استقامت کے ساتھ اور معاملات پر مکمل کنٹرول کے ذریعے دشمن کو مایوس نہیں کرے گی، اور ہم اس مقام پر بھی پہنچیں گے۔"
آپ نے تہران میں حالیہ فتنے سے ملتے جلتے واقعات اور جرائم کا تذکرہ کرتے ہوئے 30 خُرداد 1360، (20 جون 1981ع) کے واقعے کی طرف اشارہ کیا ـ جب منافقین (MKO) نے بسیجیوں پر کارپٹ کٹر (Carpet cutting knives) چلائے۔"
آپ نے فرمایا: "ان تمام واقعات میں غیر ملکیوں کا ہاتھ ہے، اور خاص طور پر امریکہ اور صہیونی ریاست کا ہاتھ صاف نظر آتا ہے۔"
رہبر معظم نے اس بات پر زور دیا کہ حالیہ فتنے اور گذشتہ سالوں کے واقعات میں امن و امان قائم کرنے والے اداروں، بسیج، سپاہ پاسداران اور دیگر شعبوں نے اپنی ذمہ داریاں پوری کیں۔"
آپ نے فرمایا: "لیکن جیسا کہ سال 1388 ہجری شمسی (2009ع) میں ہؤا، فتنے کی آگ کو بجھانے اور شعلوں کو خاک کرنے والا بنیادی عامل، عوام کا میدان میں آنا تھا۔ اس کے بعد بھی اگر ملک میں کوئی واقعہ پیش آتا ہے، تو خدائے متعال اس کے مقابلے کے لئے ان لوگوں کو مبعوث کرے گا، اٹھائے گا اور عوام ہی کام کو مکمل کریں گے۔"
امام خامنہ ای (حفظہ اللہ) نے حالیہ امریکی فتنے کی خصوصیات کی وضاحت کرتے ہوئے فرمایا: "اس فتنے کی پہلی خصوصیت یہ تھی کہ فتنہ گر، 'جائز اور معقول مطالبات لے کر سڑکوں پر آئے ہوئے تاجروں اور دکانداروں کے پیچھے چھپ گئے تھے۔"
آپ نے فرمایا: "فتنہ گر بلوائی اسی طرح چھپ گئے جیسے شہروں پر حملے کے دوران مجرم عورتوں اور بچوں کو ڈھال بنا دیتے ہیں، تاکہ پہچانے نہ جا سکیں۔"
رہبر انقلاب اسلامی نے مزید فرمایا: "البتہ، ہوشیار اور با بصیرت دکانداروں نے بلوائیوں کی طرف سے ـ سڑکوں پر پرامن ریلیوں کے بجائے ـ پولیس اسٹیشنوں پر حملوں جیسے اقدامات دیکھ کر اپنی صفیں بلوائیوں سے جدا کر دیں اور فتنہ گروں کو تنہا چھوڑ دیا۔"
آپ نے فرمایا: "حالیہ فتنے کی ایک خصوصیت یہ تھی کہ یہ "بغاوت (Coup)" سے مماثلت رکھتا تھا؛ یہ فتنہ، ـ جیسا کہ بعض عالمی حلقوں نے بھی اشارہ کیا، ـ بغاوت سے مشابہت رکھتا تھا۔ البتہ اسے کچل دیا گیا، لیکن پولیس، سپاہ پاسداران کے مراکز، بعض سرکاری مراکز اور بینکوں پر حملے کے ذریعے ملک کے انتظام میں بنیادی کردار ادا کرنے والے حساس اور مؤثر مراکز کو تباہ کرنا، اور مساجد اور قرآن جیسے معنوی و روحانی عناصر پر حملہ کرنا اس حقیقت کو بالکل عیاں کر دیتا ہے۔"
امام خامنہ ای (حفظہ اللہ) نے فرمایا: "اس فتنے کی منصوبہ بندی بیرون ملک ہوئی، بلوؤں کے اندرونی سرغنوں کی مختلف وسائل ـ جیسے سیٹلائٹ معلومات ـ کے ذریعے رہنمائی ہوتی رہی ہے؛ اور یہ جنوری 2026ع کے فسادات کی ایک اور خصوصیت تھی۔ موصولہ معلومات کے مطابق، امریکی حکومت کا ایک مؤثر اہلکار اپنے ایرانی گماشتے سے کہہ چکا ہے کہ 'سی آئی اے اور موساد کی جاسوسی تنظیموں نے اس معاملے میں اپنی تمام تر صلاحیتیں میدان میں اتار دی ہیں'۔"
امام خامنہ ای (حفظہ اللہ) نے فرمایا: "تربیت یافتہ سرغنوں کو ہلاکتوں کی تعداد میں اضافہ کرنے کی ذمہ داری سونپی گئی تھی، اور یہ حالیہ فسادات کی ایک اور خصوصیت ہے؛ اس منصوبے کے تحت، انہوں نے جدیدترین ذاتی ہتھیاروں سے فوجی اور سیکورٹی مراکز پر حملے کئے، تاکہ سرکاری اہلکاروں کے ردعمل کے نتیجے میں کچھ لوگ مارے جائیں۔ ہلاکتیں بڑھانے کے لئے انہوں نے ان لوگوں پر بھی رحم نہ کیا اور انہیں بھی نشانہ بنایا جنہیں وہ اپنی تشہیری مہم کے ذریعے خود ہی میدان میں لائے تھے۔"
رہبر انقلاب اسلامی نے ہلاکتوں کی تعداد بڑھانے میں فسادات کے سرغنوں کی کامیابی پر افسوس کا اظہار کرتے ہوئے فرمایا: "ان غافل و بے خبر اور لا پروا نوجوانوں کے لئے دل خون ہو جاتا ہے جو فسادیوں کے ہاتھوں مارے گئے۔"
امام خامنہ ای (حفظہ اللہ) نے فرمایا: "دشمن ہلاکتوں کی تعداد کو 10 گنا بڑھا کر دکھانے کی کوشش کر رہے ہیں؛ وہ چاہتے تھے کہ ہلاکتیں اس سے بھی زیادہ ہوں، اگرچہ اتنی ہلاکتیں بھی بہت زیادہ افسوسناک ہیں۔"
آپ نے فرمایا: "دشمن کا بنیادی مقصد ملکی سلامتی کو تباہ کرنا تھا؛ کیونکہ جب امن و سلامتی نہ ہو تو کچھ بھی نہیں ہوتا: نہ روٹی، نہ پیداوار، نہ کاروبار، نہ تعلیم اور تحقیق، اور نہ ہی سائنس اور ترقی۔ لہٰذا، جن افراد اور اداروں نے ملکی سلامتی برقرار رکھی اور اس کا تحفظ کیا، ان کا پورے عوام پر 'حقِ حیات ہے۔"
آپ نے فرمایا: "وہ عوام کو نظام کے خلاف کھڑا کرنا چاہتے تھے، لیکن 12 جنوری کو کروڑوں عوام کی ریلیوں میں عوام نے بدخواہوں کے منہ پر زبردست مکا رسید کیا اور ایرانی قوم کی حقیقت دنیا کو دکھائی۔"
آپ نے فرمایا: "ملکی حکام کو واقعی اس قوم کی قدر کرنی چاہئے۔ البتہ، یہ فتنہ اتفاقی طور پر یا منصوبے کے مطابق، ایک ایسے وقت میں ظہور پذیر ہؤا جب حکومت اور اس کے اہلکار بہتر معاشی صورت حال کے لئے ملک کے لئے معاشی پیکیج اور منصوبے تیار کرنے میں مصروف تھے۔"
رہبر انقلاب اسلامی کے مطابق تازہ حالیہ فتنے کی آخری خصوصیت یہ تھی کہ یہ اس کی نوعیت داعش جیسی پرتشدد تھی۔
آپ نے فرمایا: "امریکی صدر نے اپنے پہلے دور کے انتخابات میں اعتراف کیا کہ داعش کی تخلیق میں امریکہ ملوث تھا؛ اور اس حالیہ فتنے میں بھی امریکیوں نے [ایک نئی] داعش پیدا کی، جس کے کرتوت اسی داعش جیسے تھے۔ داعش تشدد کے ساتھ، لوگوں پر بے دینی کا الزام لگا کر ان کو نیست و نابود کر دیتی تھی، اور امریکی کی پیدا کردہ نئی داعش نے بھی لوگوں کی اسی تشدد سے، لیکن [اس بار ان کی] دین داری کی وجہ سے، تباہ کر دیا اور عجیب بے رحمی اور سفاکی سے کچھ لوگوں کو زندہ جلایا اور کچھ کے سر کاٹ قلم کر دیئے!"
امام خامنہ ای (حفظہ اللہ) نے امریکہ اور ایران کے درمیان 40 سال سے زیادہ عرصے سے جاری دشمنی کی وجہ بیان کرتے ہوئے فرمایا: "معاملہ دو لفظوں میں سمٹتا ہے: امریکہ ایران کو نگلنا چاہتا ہے، لیکن ایرانی قوم اور اسلامی جمہوریہ اس میں رکاوٹ ہیں۔ درحقیقت ایرانی قوم کا "جرم" یہ ہے کہ وہ امریکہ سے کہہ رہی ہے کہ امریکہ سے کہا ہے کہ "تو غلط کرتا ہے کہ میرے ملک کو نگلنا چاہتا ہے۔" (یعنی تم میں ایسا کرنے کی جرات نہیں ہے)
آپ نے ایران کے تیل، گیس، معدنی ذخائر اور اسٹراٹیجک اور جغرافیائی محل وقوع جیسی کششوں کو امریکہ جیسی جارح اور لالچی طاقت کے لالچ کی وجہ قرار دیا اور فرمایا: "وہ ایران پر قبضہ کرنا چاہتے ہیں اور پہلوی دور کی طرح ایران کے وسائل، تیل، سیاست، سلامتی اور بین الاقوامی روابط پر اپنا تسلط بحال کرنا چاہتے ہیں۔ یہی ان کی دشمنی کی اصل وجہ ہے اور ان کی باقی باتیں ـ جیسے انسانی حقوق، ـ سب فضول باتیں ہیں۔
رہبر انقلاب نے زور دے کر فرمایا: "ایرانی قوم امریکہ کے لالچ کے خلاف مضبوطی سے سینہ سپر ہے، کھڑی ہے اور کھڑی رہے گی اور اسے عیاری اور اذیت و ازار کا سلسلہ جاری رکھنے سے سے نا امید کر دے گی۔"
آپ نے جنگ اور کسی خاص جہاز یا طیارے کے استعمال کے بارے میں امریکیوں کی دھمکیوں کا حوالہ دیتے ہوئے فرمایا: "یہ باتیں نئی نہیں ہیں؛ ماضی میں بھی وہ بار بار دھمکی دیتے رہے ہیں کہ "تمام آپشنز میز پر ہیں"۔ اب بھی 'یہ صاحب' (ٹرمپ) بار بار اس قسم کے دعوے کرتا ہے کہ ہم جنگی بحری جہاز لے آئے ہیں!"
امام خامنہ ای (حفظہ اللہ) نے مزید فرمایا: "ایرانی قوم کو ان چیزوں سے نہیں ڈرایا جانا چاہئے۔ ایرانی قوم ان باتوں سے متاثر نہیں ہوتی۔ البتہ ہم شروع کرنے والے نہیں ہیں اور ہم کسی پر ظلم اور کسی ملک پر حملہ نہیں کرنا چاہتے، لیکن ایرانی قوم کسی ایسے شخص [کے منہ] پر جو لالچ رکھے اور حملہ اور اذیت دینا چاہے، مضبوط گھونسہ رسید کرے گی۔
امام خامنہ ای (حفظہ اللہ) نے زور دے کر فرمایا: "البتہ امریکیوں کو یہ بھی معلوم ہونا چاہئے کہ اگر اس بار انہوں نے جنگ شروع کی تو یہ ایک علاقائی جنگ ہوگی۔"
۔۔۔۔۔۔۔۔۔۔۔۔۔۔۔۔۔
ترجمہ: فرحت حسین مہدوی
۔۔۔۔۔۔۔۔۔۔۔۔۔۔۔۔۔۔
110
آپ کا تبصرہ