اہل بیت نیوز ایجنسی ابنا کی رپورٹ کے مطابق،رپورٹس کے مطابق متحدہ عرب امارات میں واقع پیٹروکیمیکل کمپلیکس میں آگ لگنے کے بعد ملک کی تقریباً 30 فیصد پیٹروکیمیکل پیداوار متاثر ہو گئی ہے۔
ابوظبی کے میڈیا آفس کی جانب سے جاری بیان میں کہا گیا ہے کہ کمپلیکس کے مختلف حصوں میں آگ بھڑک اٹھی، جس کی وجہ مبینہ طور پر گرنے والے ٹکڑوں (شیل یا ملبہ) کو قرار دیا جا رہا ہے۔ واقعے کے بعد اس بڑے صنعتی یونٹ کی سرگرمیاں عارضی طور پر روک دی گئی ہیں۔
بوروج، جو ابوظبی کی اہم پیٹروکیمیکل کمپنیوں میں شمار ہوتی ہے، پولی ایتھلین اور پولی پروپیلین جیسی مصنوعات تیار کرتی ہے، اور اس کی سالانہ پیداواری صلاحیت تقریباً 5 سے 6.4 ملین ٹن ہے۔
کمپنی سالانہ تقریباً 5.4 ملین ٹن مصنوعات فروخت کرتی ہے، جس سے اسے 5.85 ارب ڈالر کی آمدنی اور 1.1 ارب ڈالر کے قریب خالص منافع حاصل ہوتا ہے۔ اس کی مصنوعات دنیا کے 80 سے زائد ممالک کو برآمد کی جاتی ہیں۔
یہ کمپنی متحدہ عرب امارات کی مجموعی پولی الفین پیداوار میں 50 فیصد سے زائد اور مجموعی پیٹروکیمیکل پیداوار میں تقریباً 30 فیصد حصہ رکھتی ہے، جس کی وجہ سے اس میں ہونے والا یہ واقعہ ملک کی صنعتی اور برآمدی سرگرمیوں پر نمایاں اثر ڈال سکتا ہے۔
ان مصنوعات کا استعمال تعمیرات، پیکجنگ، آٹو موبائل، کیبلز، پائپ، صحت اور دیگر صنعتی شعبوں میں وسیع پیمانے پر کیا جاتا ہے۔
آپ کا تبصرہ