اہل بیت نیوز ایجنسی ابنا کی رپورٹ کے مطابق، اٹلی کی مختلف یونیورسٹیوں کے اساتذہ اور محققین نے ایران کے ساتھ اظہارِ یکجہتی کرتے ہوئے امریکہ اور اسرائیل کی جانب سے مبینہ فوجی کارروائیوں کی مذمت کی ہے، اور بین الاقوامی قوانین کی پاسداری پر زور دیا ہے۔
اطلاعات کے مطابق متعدد علمی اداروں اور ماہرین نے الگ الگ بیانات جاری کرتے ہوئے نہ صرف انسانی جانوں کے ضیاع پر افسوس کا اظہار کیا بلکہ ایران کے تاریخی و ثقافتی ورثے کے تحفظ کو بھی انتہائی اہم قرار دیا۔
ان بیانات میں بین الاقوامی ادارہ برائے بحیرہ روم و مشرقی مطالعات کی جانب سے جاری اعلامیہ کو خاص اہمیت حاصل ہے، جس میں کہا گیا کہ موجودہ کشیدگی کے دوران ثقافتی ورثے کا تحفظ صرف علمی نہیں بلکہ اخلاقی اور عالمی ذمہ داری ہے۔
ادارے نے خبردار کیا کہ خطے میں جاری تنازعات کے باعث تاریخی مقامات کو شدید خطرات لاحق ہیں، اور یہ ورثہ نہ صرف کسی ایک ملک بلکہ پوری انسانیت کی مشترکہ میراث ہے۔
اسی طرح اٹلی کی سوسائٹی برائے بین الاقوامی قانون نے بھی ایک بیان میں کہا کہ ایران کے خلاف فوجی مداخلت بین الاقوامی قانون کے بنیادی اصولوں، جیسے خودمختاری، علاقائی سالمیت اور تنازعات کے پرامن حل، کی خلاف ورزی ہے۔
بیان میں یہ بھی خبردار کیا گیا کہ دنیا پہلے ہی یوکرین، غزہ، یمن اور دیگر خطوں میں تنازعات کا شکار ہے، اور ایسے میں کسی نئے بڑے جنگی محاذ کے خطرناک نتائج سامنے آ سکتے ہیں۔
کئی ممتاز اطالوی اساتذہ نے بھی ایران کے عوام کے ساتھ ہمدردی کا اظہار کیا، جن میں اورشامل ہیں۔
ماہرینِ آثارِ قدیمہ اور ایران شناس شخصیات نے خاص طور پر اس بات پر زور دیا کہ ایران کے تاریخی مقامات، جیسے کاخ گلستان اور میدان نقش جہان، عالمی ثقافتی ورثے کا حصہ ہیں اور ان کو کسی بھی قسم کے نقصان سے بچانا ضروری ہے۔
انہوں نے کنونشن لاہہ 1954 اور کنونشن عالمی ورثہ 1972 جیسے بین الاقوامی معاہدوں کا حوالہ دیتے ہوئے کہا کہ عالمی برادری پر لازم ہے کہ وہ ان اصولوں کا احترام کرے۔
اطالوی ماہرین نے اس بات پر بھی زور دیا کہ جنگی حالات میں ثقافت اور تاریخ کو نظرانداز نہیں کیا جا سکتا، کیونکہ یہ آنے والی نسلوں کے لیے انسانی تہذیب کی بنیاد ہیں۔
یہ ردعمل ظاہر کرتا ہے کہ یورپ کے علمی اور ثقافتی حلقوں میں اب بھی ایسی آوازیں موجود ہیں جو جنگ، تباہی اور بین الاقوامی قوانین کی خلاف ورزی کے خلاف کھل کر سامنے آرہی ہیں۔
آپ کا تبصرہ