اہل بیت نیوز ایجنسی ابنا کی رپورٹ کے مطابق، فلسطینی ذرائع نے گزشتہ چوبیس گھنٹے میں غزہ کے مختلف علاقوں پر صیہونی حملوں میں 15 فسطینیوں کی شہادت کی خبر دی ہے۔
فلسطینی ذرائع نے بتایا ہے کہ گزشتہ چوبیس گھنٹے میں رفح اور جبالیا کے مشرق میں غاصب صیہونی فوجیوں کے وحشیانہ حملے جاری رہے ۔
اس رپورٹ کے مطابق صیہونی فوجیوں کے ان حملوں میں پانچ معصوم بچوں سمیت 15 فلسطینی شہید ہوگئے۔
فلسطینی ذرائع نے بتایا ہے کہ غاصب صیہونی فوج کے ان وحشیانہ حملوں میں درجنوں فلسطینی زخمی ہوئے ہیں۔
ادھر غزہ میں فلسطین کے ابلاغیاتی مرکز نے ایک رپورٹ میں بتایا ہے کہ غاصب صیہونی حکومت ایک ہزار 193 بار جنگ بندی کی خلاف ورزی کرچکی ہے۔
اس رپورٹ کے مطابق غزہ میں جںگ بندی کے نفاذ کے بعد گزشتہ 90 دن میں صرف 23 ہزار 19 ٹرک سامان غزہ پہنچا ہے جبکہ 54 ہزار ٹرک سامان اس مدت میں پہنچنا چاہئے تھا۔
اسی کے ساتھ فلسطینی کے محکمہ صحت نے اعلان کیا ہے کہ شہدائے غزہ کی تعداد بڑھ کر 71 ہزار 409 ہوگئی ہے۔
آپ کا تبصرہ