اہل بیت(ع) نیوز ایجنسی۔ابنا۔ سعودی عرب کے سرحدی علاقے جیزان میں سعودی سرحدی فورس کے کمانڈر میجر جنرل مہیاالعطیبی نے کہا ہے کہ ایک سعودی فوجی یمن کی سرحد کے قریب واقع علاقے ظہران میں میں ہلاک ہوا ہے - جبکہ جیزان کی پولیس کے سربراہ میجر جنرل ناصر بن صالح الدوجسی نے بھی بتایا ہے کہ جنوبی علاقے میں بھی ایک سعودی فوجی مارا گیا ہے - اس درمیان سعودی عرب کے نیشنل گارڈ کے وزیرمتعب بن عبداللہ بن عبدالعزیز نے جہاں عسیرکے علاقے میں ایک سعودی فوجی کے شدید زخمی ہونے کی تصدیق کی ہے وہیں سعودی ذرائع ابلاغ نے بھی خبردی ہے کہ جنوبی علاقوں میں ہونے والی لڑائیوں میں تین سعودی فوجی ہلاک ہوگئے ہیں - دوسری جانب یمن کی عوامی تحریک انصاراللہ نے اعلان کیا ہے کہ اس کے جوانوں اور اتحادیوں نے جیزان میں سعودی عرب کی ایک فوجی چیک پوسٹ پر قبضہ کرلیا ہے۔
۔۔۔۔۔۔۔۔۔۔۔۔۔۔۔
۲۴۲
