اہل بیت نیوز ایجنسی ابنا کی رپورٹ کے مطابق،ایرانی مسلح افواج نے ایک نئے مرحلے میں وسیع پیمانے پر میزائل اور ڈرون حملے کیے ہیں، جن میں امریکی اور اسرائیلی افواج سے متعلق خفیہ مراکز کو ہدف بنایا گیا ہے۔ یہ کارروائی "وعدہ صادق 4" کے تحت کی گئی اور مختلف قسم کے بیلسٹک میزائلز اور جدید ڈرونز استعمال کیے گئے۔
رپورٹس کے مطابق حملے میں کمانڈ سینٹرز، ڈرون بیسز، اسلحہ گودام اور مبینہ خفیہ ٹھکانے شامل تھے، جہاں امریکی اور اسرائیلی پائلٹس موجود تھے۔ نشانہ بننے والے اہم مقامات میں تل ابیب، حیفا، کریات شمونہ، بئر السبع اور دیمونا شامل ہیں۔ اس کے علاوہ خطے میں موجود امریکی اڈے اور بعض خلیجی ممالک میں ریڈار تنصیبات بھی حملے کی زد میں آئیں۔
ایرانی فوج نے دعویٰ کیا کہ متحدہ عرب امارات میں موجود ریڈار سسٹمز کو ڈرون حملوں کے ذریعے نشانہ بنایا گیا، جو میزائلوں کی نگرانی اور روک تھام کے لیے استعمال ہو رہے تھے۔
بیان میں مزید کہا گیا ہے کہ یہ آپریشنز اعلیٰ قیادت کی ہدایات کے تحت جاری رہیں گے اور سید مجتبیٰ خامنہ ای کے حکم کے مطابق اس سلسلے کو برقرار رکھنے کا عزم ظاہر کیا گیا ہے۔
آپ کا تبصرہ