اہل بیت نیوز ایجنسی ابنا کی رپورٹ کے مطابق، یمن کے نائب وزیرِ خارجہ عبدالوهاب ابوراس نے اسلامی انقلاب ایران کی سالگرہ کے موقع پر ایرانی وزیر خارجہ سید عباس عراقچی کو مبارکباد دی اور تہران کے ساتھ مکمل یکجہتی کا اظہار کیا۔
المسیرہ کے مطابق ابوراس نے انقلاب اسلامی کی کامیابیوں، خاص طور پر بیرونی طاقتوں پر انحصار ختم کرنے کو اہم سنگ میل قرار دیا اور ایران کی عالمی مسلم مسائل، خصوصاً فلسطین کے معاملے میں حمایت کی تعریف کی۔
انہوں نے ایران کی سائنسی ترقیوں کو بھی سراہا اور کہا کہ یہ کامیابیاں اس وقت حاصل ہوئی ہیں جب عالمی قوتیں مسلسل ان کی کامیابیوں کو کمزور کرنے کی کوشش کرتی رہی ہیں۔
ابوراس نے زور دیا کہ یمن ایران اور اس کے عوام کے ساتھ ہر قسم کے خطرات کے خلاف مکمل یکجہتی رکھتا ہے اور ایرانی حاکمیت، سلامتی اور استحکام کی حمایت جاری رکھے گا۔
آپ کا تبصرہ