بین الاقوامی اہل بیت(ع) نیوز ایجنسی ـ ابنا ـ کے مطابق، اسلامی جمہوریہ ایران کی مسلح افواج کے چیف آف جنرل اسٹاف میجر جنرل سید عبدالرحیم موسوی نے عسکری سفارتکاری کے ضمن میں پاکستانی آرمی چیف فیلڈ مارشل عاصم منیر سے ٹیلی فونک بات چیت کرتے ہوئے اسلامی جمہوریہ ایران پر امریکہ اور صہیونی ریاست کی 12 روزہ جارحیت کے دوران پاکستان کے شجاعانہ موقف اور پاکستانی عوام کی حمایت کا شکریہ ادا کیا۔
میجر جنرل موسوی نے اس موقع پر کہا: اس جنگ میں امریکہ نے صہیونی ریاست کی مدد میں کوئی کسر نہیں چھوڑی اور اس نے جارحیت میں بھی حصہ لیا اور ہمارے میزائلوں اور ڈرونز کو ناکارہ کرنے کی بھی کوشش کی۔ امریکہ کے علاوہ دوسرے مغربی ممالک بھی اس جنگ میں صہیونی ریاست کے ساتھ کھڑے نظر آئے۔
انھوں نے کہا: یہ درست ہے کہ ہمیں نقصان پہنچا اور اس مسلط کردہ بزدلانہ جارحیت میں ہمارے کئی اہم فوجی کمانڈر شہید ہوئے لیکن اس کے باوجود ہم نے دشمن کے عزائم کو ناکام بنایا اور جارحوں کو جنگ بندی کی بھیک مانگنے پر مجبور کیا۔
۔۔۔۔۔۔۔۔۔۔۔۔۔۔۔۔۔۔۔۔
110
آپ کا تبصرہ