اہل بیت(ع) نیوز ایجنسی۔ابنا۔ کراچی میں میٹھادر کے علاقے میں معروف سماجی کارکن عبدالستار ایدھی کی رہائش گاہ اور دفتر میں 8 سے زائد ملزمان داخل ہوئے ۔ عبدالستار ایدھی اس وقت سورہے تھے ۔ملزمان نے عبدالستار کو اٹھایا اور تجوریوں کی چابیاں لے لیں ۔ ملزمان چابیوں سے وہاں موجود تمام تجوریوں سے آدھے گھنٹے تک لوٹ مار میں مصروف رہے ۔ ملزمان دو کروڑ روپے نقد اور 5 کلو سونا دیگر قیمتی اشیا لے کر فرار ہوگئے ۔
ایدھی سینٹر میں کوئی سیکورٹی گارڈ نہیں تھا اور نہ ہی سی سی ٹی وی کیمرے نصب ہیں ۔ ایدھی سینٹر میں ڈکیتی کا مقدمہ میٹھادر تھانے میں درج ہوگیا ۔ مقدمہ فیصل ایدھی کی مدعیت میں درج کیا گیا ۔ پولیس نے ایدھی سینٹر سے فنگر پرنٹس لے لئے ہیں اور تفتیش شروع کر دی ہے ۔
۔۔۔۔۔۔۔۔۔۔۔۔۔۔۔۔
۲۴۲
