آل سعود کی کال کوٹھریوں میں بھوک ہڑتال شروع

ابنا: سعودی عرب میں آل سعود کی کال کوٹھریوں میں مدتوں سے قید افراد نے بھوک ہڑتال شروع کردی ہے۔ ستر سیاسی قیدیوں نے آل سعود کی جیلوں کے غیر انسانی حالات اور ان کے ساتھ جاری وحشیانہ رویوں کی طرف عالمی برادری کی توجہ مبذول کرانے کے لئے بھوک ہڑتال شروع کی ہے۔ بھوک ہڑتال کرنے والوں کا کہنا ہےکہ انہيں امید ہے کہ اس طرح وہ اھل عالم کی توجہ حاصل کرکے آل سعود کے ہاتھوں جیلوں میں انسانی حقوق کی پامالی ختم کرانے میں کامیاب ہوسکیں گے۔ یاد رہے آل سعود کی کال کوٹھریوں میں تیس ہزار کے قریب سیاسی قیدی مظالم برداشت کررہے ہیں ۔ ان افراد کو سولہ برسوں سے بغیر کسی مقدمے کے رکھا گيا ہے۔ ادھر سیاسی قیدیوں کے اھل خانہ نے بھی ریاض اور دیگر شہروں میں احتجاجی اجتماع کرکے قیدیوں کی رہائي کا مطالبہ کیا ہے۔ ۔۔۔۔۔۔۔۔۔۔۔۔۲۴۲