علاء الدین بروجردی نے کہا کہ محمد مرسی کا صدر کی حیثیت سے منتخب ہونا ملت مصر اور عالم اسلام کے لئے نہایت خوش آئند اور مبارک امر ہے کیونکہ انہوں نے ایک نہایت سخت مقابلے میں کامیابی حاصل کی ہے۔ انہوں نے کہا کہ اس مقابلے میں ایک طرف ملت مصر اور دوسری طرف امریکہ اور صیہونی حکومت تھی۔ قابل ذکرہے اسلامی جمہوریہ ایران کی وزارت خارجہ نے بھی بیان جاری کرکے صدارتی انتخابات میں اخوان المسلمین کے نامزد محمد مرسی کی کامیابی کی مبارک باد پیش کی ہے۔ ادھر اسلامی جمہوریہ ایران کی رضا کار فورس کے سربراہ جنرل محمد رضا نقدی نے کہا ہےکہ صیہونی حکومت اور مغربی ممالک مصر میں خود مختار اور اسلامی حکومت کے برسرکار آنے سے بوکھلا گئے ہیں۔
.......
/169
