چونسٹھ فیصد ٹرن آؤٹ دشمنوں کے لۓ دندان شکن جواب

ابنا: رامین مہمان پرست نے آج ملکی اور غیر ملکی نامہ نگاروں کی پریس کانفرنس میں صیہونی حکومت اور امریکہ کی جانب سے ایران کے خلاف فوجی کارروائی کی دھمکیاں دیۓ جانے کی جانب اشارہ کرتے ہوۓ کہا کہ ان کی جانب سے تشہیراتی دباؤ اور نفسیاتی جنگ شروع کۓ جانے کا ایک مقصد انتخابات میں عوام کی شرکت پر اثرانداز ہونا تھا لیکن پارلیمانی انتخابات میں چونسٹھ فیصد ٹرن آؤٹ دشمنوں کے لۓ دندان شکن جواب تھا۔ اسلامی جمہوریہ ایران کی وزارت خارجہ کے ترجمان نے گروپ پانچ جمع ایک کے اجلاس کے مقام اور وقت کے بارے میں کہا کہ تہران نے ان مذاکرات کے نۓ دور کے آغاز کے لۓ اپنی آمادگی ہمیشہ ظاہر کی ہے اور یورپی یونین کی خارجہ پالیسی شعبے کی سربراہ اور اسلامی جمہوریہ ایران کی اعلی قومی سلامتی کونسل کے سیکرٹری کی جانب سے ایک دوسرے کو ارسال کردہ خطوط کے پیش نظر یہ مذاکرات جلد ہی ہوں گے۔ رامین مہمان پرست نےان مذاکرات کی جگہ کے بارے میں بھی کہا کہ بعض ممالک نے اس سلسلے میں اپنی آمادگي کا اظہار کیا ہے جو ابھی یقینی نہیں ہے ۔ البتہ استنبول کے بارے میں باضابطہ طور پر آمادگي ظاہر کی گئي ہے اور اس کا انحصار فریقین کے اتفاق راۓ پر ہے۔........ /169