اہل بیت(ع) نیوز ایجنسی ـ ابنا | الجزیرہ کے مطابق دونوں ممالک نے ایک دوسرے پر ڈرون اور میزائل حملوں کا الزام لگایا ہے۔ پاکستان کے مطابق بھارت نے اسرائیلی ساختہ "ہاروپ" خودکش ڈرون استعمال کیے جو مخصوص اہداف پر خود کو گرا کر دھماکہ کرتے ہیں۔ یہ ڈرونز چھوٹے سائز اور جدید ٹیکنالوجی کی وجہ سے فضائی دفاعی نظام کو چکمہ دے سکتے ہیں۔ ان ڈرونز کا استعمال جدید جنگی حکمت عملی کا حصہ تصور کیا جاتا ہے۔
یہ حملے دونوں ممالک کے درمیان 1999 کے بعد سب سے بڑے اور براہ راست سمجھے جا رہے ہیں۔ تجزیہ کاروں کے مطابق ڈرونز کا استعمال روایتی جنگی حدود کو ختم کر رہا ہے، اور اگر یہ رجحان جاری رہا تو یہ دونوں ممالک کے درمیان "ڈرون وار" کی مستقل شکل اختیار کر سکتا ہے جو تیز، پوشیدہ اور زیادہ خطرناک ثابت ہو سکتی ہے۔
الجزیرہ کا کہنا ہے کہ بین الاقوامی برادری کے لیے یہ لمحۂ فکریہ ہے کہ دو جوہری ریاستیں ایسے ہتھیار استعمال کر رہی ہیں جو براہِ راست شہریوں کی جان و مال کو خطرے میں ڈال رہے ہیں۔
۔۔۔۔۔۔۔۔۔۔۔۔۔۔
110

بھارت اور پاکستان کے درمیان کشیدگی ایک نیا سنگین موڑ اختیار کر گئی ہے، پاکستانی فوج نے دعویٰ کیا کہ اس نے لاہور، کراچی اور دیگر اہم شہروں میں بھارتی حملہ آور اسرائیلی ساختہ ڈرونز کو مار گرایا ہے۔ جمعرات کو پاکستانی فوج نے کہا کہ اس نے 25 بھارتی ڈرون مار گرائے، جن میں سے کچھ نے شہری علاقوں کو نشانہ بنایا۔ ان حملوں میں ایک شہری شہید اور کم از کم پانچ زخمی ہوئے۔ جواب میں بھارت کی وزارتِ دفاع نے ان حملوں کی تصدیق کی ہے۔
آپ کا تبصرہ