قم المقدسہ: عالمی برادری نائیجیریا میں  یوم القدس کے روز ہونے والی شہادتوں اور  انسانی حقوق کی پامالیوں  کا نوٹس لے، سیکرٹری امورِ خارجہ ایم ڈبلیو ایم

اہل بیت(ع) نیوز ایجنسی ـ ابنا ـ کے مطابق، نائیجیریا میں 30 مارچ 2025 کو یوم القدس کے  مظاہرے کے دوران فوج نے فائرنگ کر کے 10  افراد کو شہید کر دیا۔ اس موقع پر ایک بڑی تعداد میں مظاہرین زخمی اور گرفتار بھی ہوئے جن کے بارے میں کسی کو کچھ خبر نہیں۔
عالمی میڈیا کی بے حسی کے باعث اس خبر کو کہیں کوریج نہیں دی گئی۔ کئی روز گزرنے کے باوجود بین الاقوامی میڈیا کی خاموشی کی مذمت کرتے ہوئے سیکرٹری امورِ خارجہ مجلس وحدت مسلمین حجۃ الاسلام ڈاکٹر شفقت شیرازی نے اپنے بیان میں بتایا ہے کہ ہر سال کی طرح اس سال بھی   یہ مظاہرہ عالمی یومِ القدس کے موقع پر فلسطینیوں کی حمایت میں اور غزہ پر اسرائیلی حملوں کے خلاف تھا؛ جس کو وحشیانہ تشدد کا نشانہ بنایا گیا لیکن اس تشدد پر ساری عالمی برادری خاموش ہے۔ 
انہوں نے کہا کہ انسانی حقوق کی کچھ  تنظیمیوں نے فقط بیان بازی کی حد تک  اس واقعے کی مذمّت کی  اور یوں یہ واقعہ مین اسٹریم میڈیا میں نہیں آ سکا۔ 
انہوں نے  کہا کہ مظاہرین  قانونی طور پر  پرامن طریقے سے احتجاج کر رہے تھے، اور ان کے خلاف فوجی کارروائی غیر ضروری اور سراسر  زیادتی تھی۔
انہوں نے زخمی اور گرفتار ہونے والے مظاہرین کے حوالے سے بھی عالمی اداروں کی خاموشی پر شدید تشویش کا اظہار کیا۔ 
انہوں نے تمام مسلمانوں سے اپیل کی کہ عالمی ادارے نائیجریا میں ہونے والے اس ظلم اور تشدد کے بارے میں اپنی زبان کھولیں اور حقائق کو سامنے لائیں۔
۔۔۔۔۔۔۔۔۔۔۔۔۔۔
110