اسرائیلی طیاروں نے ایران پر حملے کیلئے عراقی فضائی حدود استعمال کیں، ایرانی آرمی چیف

اہل بیت(ع) نیوز ایجنسی ـ ابنا ـ کے مطابق، عرب میڈیا نے رپورٹ دی ہے کہ ایرانی آرمی چیف نے کہا ہے کہ اسرائیلی فضائیہ نے امریکی فوج کے زیر کنٹرول عراقی فضائی حدود سے 100 کلومیٹر کے فاصلے سے ایران کی سرحدوں کے قریب طویل فاصلے تک مار کرنے والے میزائل داغے۔

انہوں نے بتایا کہ ان میزائلوں میں ہلکے وار ہیڈز تھے، جن کا حجم ایرانی بیلسٹک میزائلوں کے وار ہیڈز کے مقابلے میں پانچ گنا چھوٹے تھے۔ یہ میزائل ایران کے سرحدی علاقوں ایلام، خوزستان اور تہران کے گرد و نواح میں مختلف ریڈار اسٹیشنوں کو نشانہ بنانے کےلیے داغے گئے تھے۔

ایرانی فضائی دفاعی نظام کے بارے میں بات کرتے ہوئے موسوی نے کہا کہ "ایرانی دفاعی نظام کی وجہ سے نقصان محدود رہا۔"

انہوں نے مزید کہا کہ "بڑی تعداد میں میزائلوں اور دشمن کے طیاروں کو ملک کی فضائی حدود میں داخل ہونے سے روک دیا گیا۔"

دوسری جانب ایرانی مشن برائے اقوام متحدہ نے بھی دعویٰ کیا ہے کہ ایران پر اسرائیلی حملے میں عراقی فضائی حدود کا استعمال کیا گیا۔

ایرانی مشن کا  کہنا ہے کہ اسرائیلی جنگی جہازوں نے عراق میں واقع امریکی فوجی بیس سے پرواز بھری۔

خبر ایجنسی کے مطابق  ایرانی مشن نے کہا ہے کہ ریکا کو ایران پرحملوں کا برابر ذمے دار قرار دے دیا۔

۔۔۔۔۔۔۔۔

110