ابنا: اطلاعات کے مطابق لیبیا کے دارالحکومت طرابلس میں جدید ہتھیاروں سے لیس سادہ لباس حملہ آوروں نے پارلیمنٹ میں گھس کر شدید فائرنگ کی جس کے باعث عمارت میں بھگدڑ مچ گئی، کئی ارکان ایوان سے نکلنے میں کامیاب ہوگئے تاہم حملہ آور اسپیکر پارلیمنٹ سمیت 7 ارکان کو اغوا کر کے اپنے ہمراہ لے گئے۔اس واقعے کے بعد سیکیورٹی فورسز نے علاقے کو محاصرے میں لے کر سرچ آپریشن شروع کردیا۔ غیر ملکی خبر رساں ادارے کے مطابق یہ حملہ لیبیا کے سابق فوجی جنرل خلیفہ ہفتار کے مسلح باغیوں نے کیا، جنرل ہفتار نے پریس کانفرنس میں کہا کہ ان کا مقصد 'دہشت گرد' گروہوں سے شہرکو پاک کرنا ہے جب کہ طرابلس کے حکام نے اس کی مذمت کرتے ہوئے اس اقدام کو بغاوت قرار دیا ہے۔
.......
/169
