ابنا: لاہور سے موصولہ رپورٹ کے مطابق کامونکی میں گناعور کے مقام پر نالہ ڈیک میں 40 فٹ چوڑا شگاف پڑ گیا جس سے سیکڑوں ایکڑ فصلیں تباہ ہو گئیں جبکہ نالہ ڈیک میں پانی کی سطح بلند ہونے سے ملحقہ متعدد دیہات زیر آب آنے کا خدشہ ہے۔نارووال میں نالہ بسنتر میں طغیانی اور پانی اوورفلو ہونے کے باعث سینکڑوں ایکڑ اراضی پر کھڑی فصلیں تباہ ہو گئی ہیں جبکہ پرانا والا گائوں سمیت 7 دیہات زیر آب آ گئے ہیں۔گاوں کے گرد 4 فٹ سے زائد پانی جمع ہے جس کے باعث علاقہ مکین محصور ہو کر رہ گئے ہیں۔سمبڑیال میں بھی سیلابی صورتحال ہے نالہ ایک میں طغیانی کے باعث بھوپال والا کے مقام پرسینکڑوں ایکڑ اراضی زیر آب آ گئی سمبڑیال میں نالہ ایک میں طغیانی سے سات دیہات میں پانی داخل ہو گیاہے۔
......
/169
