اہل بیت نیوز ایجنسی ابنا کی رپورٹ کے مطابق، امریکہ کی فوج کے سابق چیف آف اسٹاف رینڈی جارج نے اپنے عہدے سے استعفیٰ دینے کے فوراً بعد ایک سخت بیان دیتے ہوئے کہا ہے کہ ایک پاگل شخص امریکہ کی عظیم فوج کو تباہی اور بربادی کی طرف لے جا رہا ہے۔ ان کا یہ بیان اس وقت سامنے آیا جب انہیں امریکی وزیر جنگ پیٹ ہیگست کے مسلسل دباؤ کے بعد اپنے عہدے سے ہٹنا پڑا۔
رپورٹس کے مطابق، حالیہ دنوں میں وزیر جنگ نے کئی اعلیٰ فوجی افسران کو ان کے عہدوں سے برطرف کیا ہے۔ یہ تبدیلیاں ایک ایسے وقت میں کی گئی ہیں جب امریکی فوج ہزاروں اہلکاروں کو ہائی الرٹ پر رکھے ہوئے ہے اور مشرق وسطیٰ میں کشیدگی میں اضافہ دیکھا جا رہا ہے۔
تجزیہ کاروں کا کہنا ہے کہ کسی بھی بڑے فوجی آپریشن کے دوران تجربہ کار کمانڈروں کو ہٹانا ایک غیر معمولی قدم سمجھا جاتا ہے۔ اس عمل نے امریکہ کے اندر بھی تشویش کو جنم دیا ہے، جہاں بعض قانون سازوں نے اس فیصلے پر سوالات اٹھائے ہیں۔
کانگریس کے رکن یوجینڈ وائنڈمین نے رینڈی جارج کو ایک قابل اور محب وطن سپاہی قرار دیتے ہوئے ان کی برطرفی کو مایوس کن قرار دیا۔ دوسری جانب پینٹاگون نے ان برطرفیوں کی واضح وجہ بیان کرنے سے گریز کیا ہے اور صرف یہ کہا ہے کہ قیادت پر اعتماد ختم ہو گیا تھا یا نئی پالیسیوں کے مطابق تبدیلیاں ضروری تھیں۔
آپ کا تبصرہ