آئر لینڈ کا اعتراف؛ ایران علاقے میں سب سے بااثر ملک ہے: ڈاکٹر لاریجانی

اہل بیت(ع) نیوز ایجنسی۔ابنا۔ ڈاکٹر علی لاریجانی آئرلینڈ کا اپنا دورہ مکمل کرکے جمعرات کی صبح تہران واپس لوٹ آئے- انہوں نے تہران کے مہرآباد ہوائی اڈے پر نامہ نگاروں سے بات چیت کرتے ہوئے کہا کہ آئرلینڈ کے حکام کی بڑی خواہش ہے کہ ایران اور گروپ پانچ جمع ایک کے ایٹمی مذاکرات نتیجہ خیز ہوں تاکہ ایران کے ساتھ وسیع تر اقتصادی تعاون کی راہ ہموار ہوسکے- ڈاکٹر لاریجانی نے آئرلینڈ کے حکام کے ساتھ مختلف موضوعات پر ہونے والی بات چیت کا ذکر کیا- انہوں نے کہا کہ دہشت گردی ان مسائل میں شامل ہے جن سے تمام ممالک کو تشویش لاحق ہے- ان کا کہنا تھاکہ چونکہ بعض دہشت گرد یورپ سے مشرق وسطی کے علاقے میں آئے ہیں اس لئے بعض یورپی ممالک نے دہشت گردی کے مقابلے میں ایران کے ساتھ تعاون کے لئے اپنی آمادگی کا اعلان کیا ہے- ایرانی اسپیکر نے کہا کہ آئرلینڈ کے حکام نے اعتراف کیا کہ اسلامی جمہوریہ ایران علاقے کا سب سے بااثر ملک ہے- لاریجانی نے بتایا کہ آئرش حکام نے کہا کہ ایران پائیدار امن والا ملک ہے اور ایران کے ساتھ قریبی تعاون ہونا چاہئے تاکہ اس تعاون کے ذریعہ دیگر ممالک میں بھی امن قائم کیا جاسکے- ایرانی پارلیمنٹ کے اسپیکر ڈاکٹر علی لاریجانی اپنا آئرلینڈ کا تین روزہ دورہ مکمل کرکے جمعرات کی صبح تہران واپس آئے ہیں- انہوں نے اپنے دورے میں آئرلینڈ کی قومی اسمبلی اور سینیٹ کے سربراہوں کے علاوہ آئرش وزیر اعظم اور وزیر خارجہ سے بھی الگ الگ ملاقاتیں کی- ان ملاقاتوں میں اہم دو جانبہ، علاقائی اور بین الاقوامی مسائل کے بارے میں تبادلہ خیال کیا گیا-

۔۔۔۔۔۔۔۔۔۔۔۔۔۔۔۔۔۔۔

۲۴۲