دورۂ پاکستان کا مقصد علاقائی صورتحال پر تبادلہ خیال کرنا ہے: ایرانی وزیر خارجہ

اہل بیت (ع) نیوز ایجنسی ابنا کے مطابق، ایرانی وزیر خارجہ سید عباس عراقچی نے اسلام آباد میں اپنے پاکستانی ہم منصب اسحاق ڈار سے ملاقات کے بعد میڈیا سے گفتگو کرتے ہوئے کہا کہ میرے دورۂ اسلام آباد کا اہم مقصد جنوبی ایشیا کی تازہ ترین صورت حال سمیت ایران امریکہ مذاکرات اور پاکستان کے ساتھ دوطرفہ تعاون کا جائزہ لینا ہے۔ انہوں نے ایرانی صحافیوں کو بتایا کہ پاکستان اور ہندوستان دونوں اسلامی جمہوریہ ایران کے دوست ملک ہیں یقیناً پاکستان ہمارا ہمسایہ اور برادر ملک ہے اور ہم ہندوستان کے دورے سے قبل پاکستان میں اپنے دوستوں کے موقف سے آگاہ ہونا چاہتے ہیں۔

سید عباس عراقچی نے مزید کہا کہ پاکستانی دوستوں کے ساتھ ملاقات میں ہم نے انہیں ایران اور امریکہ کے درمیان مذاکرات کی تازہ ترین صورتحال سے بھی آگاہ کیا۔

انہوں نے کہا کہ ہمارا دوسرا مقصد ایران اور پاکستان کے درمیان سیاسی، اقتصادی اور ثقافتی شعبوں میں تعلقات کا جائزہ لینا ہے۔