اہل بیت(ع) نیوز ایجنسی ـ ابنا | عمان کے وزیر خارجہ بدر البوسعیدی نے ایران امریکہ بالواسطہ مذاکرات کے پانچویں دور کے اختتام پر سماجی رابطے کے ایکس پیج پر لکھا ہے کہ ایران امریکہ مذاکرات کا پانچواں دور، تھوڑی پیشرفت لیکن آخری نتیجے تک پہنچے بغیر ختم ہوگیا۔ امید ہے کہ آئندہ دنوں میں باقی ماندہ مسائل بھی واضح ہوجائیں گے تاکہ ہم مشترکہ ہدف، پائیدار اور محترمانہ معاہدے کی طرف بڑھ سکیں۔
مذاکرات کے اس دور کے اختتام پر وزیر خارجہ سید عباس عراقچی نے اپنے عمانی ہم منصب بدر البوسعیدی سے ملاقات میں ان کی مساعی جمیلہ اور مذاکرات کی سہولیتں فراہم کرنے کا شکریہ ادا کیا ۔
ایران اور عمان دونوں ملکوں کے وزرائے خارجہ نے اس ملاقات میں آج کے مذاکرات کا جائزہ لیا اور مذاکرات جاری رکھنے کے بارے میں مشاورت کی ۔
قبل ازیں ارنا کے نامہ نگار نے رپورٹ دی تھی کہ وزیر خارجہ سید عباس عراقچی اور امریکی صدر کے نمائندہ خاص اسٹیو وٹکاف کے درمیان بالواسطہ مذاکرات کا پانچواں دور عمانی وزیر خارجہ بد ر البوسعیدی کی ثالثی میں انجام پایا اور اس سے پہلے ایرانی دفتر خارجہ کے ترجمان نے روم میں ارنا کے نامہ نگار کو بتایا تھا کہ بالواسطہ مذاکرات کا پانچواں دور پیشہ ورانہ اور معقول نیز پرسکون ماحول میں انجام پا رہا ہے۔
۔۔۔۔۔۔۔۔۔۔۔۔۔
110
ایران امریکہ بالواسطہ مذاکرات میں ثالثی کرنے والے عمان کے وزیر خارجہ نے پانچویں دور کے اختتام پر کہا ہے کہ روم میں ایران امریکہ مذاکرات تھوڑی پیشرفت کے ساتھ لیکن آخری نتیجے تک پہنچے بغیر، ختم ہوگئے ہیں۔
آپ کا تبصرہ