غیر مسلم ممالک کی شہریت لینا حرام ہے، سعودی مقتی کا عجیب فتوی

اہل بیت(ع) نیوز ایجنسی ـ ابنا ـ سعودی عرب کے ایک عالم نے عجیب و غریب فتوٰی جاری کیا ہے۔ شیخ عاصم الحکیم کا کہنا ہے کہ کسی بھی مسلم کے لیے اپنے مسلم ملک کو چھوڑ کر غیر مسلم ملک کی شہریت حاصل کرنا حرام ہے۔سوشل میڈیا پلیٹ فارم ایکس پر ایک سوال کے جواب میں شیخ عاصم الحکیم نے لکھا کہ اگر کوئی مسلم کسی مسلم ملک کا باشندہ ہے تو اُس کے لیے غیر مسلم ملک کی شہریت اختیار کرنا کسی بھی اعتبار سے درست نہیں۔

اس فتوے نے سوشل میڈیا پر ہلچل مچادی ہے۔ بہت سے مسلم صارفین نے سوشل میڈیا پر یہ سوال اٹھایا ہے کہ اگر کوئی شخص اپنے مسلم ملک میں انتہائی نامساعد حالات کا سامنا کر رہا ہو اور باعزت و پُرسکون زندگی بسر کرنا اُس کے ممکن نہ رہا ہو تو وہ کس طور اپنے ملک سے نکل کر کہیں بسے گا اور کیا یہ فتوٰی وہاں بھی اطلاق پذیر ہوگا۔

بہت سے لوگوں نے یہ بات بھی لکھی ہے کہ عرب ممالک میں جو مسلم افراد برسوں بلکہ دہائیوں تک محنت کرتے ہیں اُنہیں شہریت نہیں دی جاتی۔ ایسے میں پس ماندہ مسلم ممالک کے مسلم باشندوں کے لیے کہیں اور آباد ہونے کے حوالے سے کیا آپشن رہ جتا ہے؟

۔۔۔۔۔۔

سوال: بے شمار سعودی شہزادے غیر مسلم ممالک میں مقیم ہیں اور وہاں کی شہریت لئے بیٹھے ہیں، کیا اس مفتی صاحب کا فتوی ان پر بھی لاگو ہوگا؟ یا نہیں بلکہ یہ فتوی شراب کی حرمت، 4 سے زیادہ شادیوں کی حرمت، بدعنوانی کی حرمت، مقدس سرزمین میں باہر سے مغربی رقاصاؤں کو لاکر رقص و سرور کی محافل جمانے کی حرمت، غزہ میں مسلمانوں کے قتل عام کے موقع پر مقدس سرزمین میں کتوں کے میلے جمانے کی حرمت وغیرہ کی طرح ہوگا جس میں عملی طور پر آل سعود کو مکمل طور پر استثناء دیا گیا ہے؟!

۔۔۔۔۔