ہندو مہاسبھا نے سپریم کورٹ کے فیصلے کے خلاف اپیل دائر کردی

اہل بیت(ع) نیوز ایجنسی۔ابنا۔ ہندوستانی خبررساں ایجنسی یو این آئی کے مطابق انتہا پسند ہندو نتظیم اکھل بھارتیہ ہندو مہاسبھا کی جانب سے وشنو شنکر جین ایڈو کیٹ نے پیر کو سپریم کورٹ میں بابری مسجد تنازعے میں فیصلے کے خلاف نظر ثانی کی اپیل دائر کی۔ اس اپیل میں سپریم کورٹ کے فیصلے میں سنی وقف بورڈ کو پانچ ایکڑ زمین دینے کے حکم کی مخالفت کی گئی ہے ۔اکھل بھارتیہ ہندو مہاسبھا کی اپیل میں سپریم کورٹ کے فیصلے سے وہ تبصرہ ہٹانے کا مطالبہ بھی کیا گیا ہے جس میں بابری مسجد کے انہدام کو غیر قانونی قرار دیا گیا ہے۔اس سے پہلے سپریم کورٹ کے فیصلے کے خلاف مسلم فریقوں کی جانب سے بھی ، فیصلے پر نظرثانی کی چھے اپیلیں دائر کی جاچکی ہیں۔قابل ذکر ہے کہ ہندوستانی سپریم کورٹ نے نو نومبر کو اپنے فیصلے میں بابری مسجد کی زمین ہندو فریق کو دینے اور مسلمانوں کو مسجد بنانے کے لئے پانچ ایکڑ زمین دینے کا حکم صادر کیا ۔مسلم فریقوں کا کہنا ہے کہ سپریم کورٹ کا فیصلہ میرٹ اور ثبوتوں کی بنیاد پر نہیں بلکہ آستھا یعنی عقیدے کی بنیاد پر کیا گیا ہے۔



/129