اہل بیت(ع) نیوز ایجنسی۔ابنا۔ سترہ نیوز ایجنسی کی رپورٹ کے مطابق بحرینی عوام نے ملک کے مختلف شہروں میں سڑکوں پر نکل کے سعودی عرب کی ظالمانہ اور سامراجی پالیسیوں کے خلاف شدید مظاہرے کئے - بحرینی مظاہرین نے اپنے ہاتھوں میں ایسے پلے کارڈ اٹھا کر، جن پر لکھا تھا کہ آل سعود شجرہ ملعونہ ہے، مسلمانوں کے خلاف سعودی حکومت کے جرائم اور مظالم کی مذمت کی -
خبروں میں بتایا گیا ہے کہ مقابہ ، عالی اور سترہ شہروں میں بڑی تعداد میں بحرینی عوام نے سڑکوں پر نکل کر مظاہرہ کیا - مظاہرین نے سعودی حکومت کی پالیسیوں کی مذمت کرنے کے ساتھ ساتھ آل خلیفہ حکومت کے ذریعے بزرگ عالم دین آیت اللہ شیخ عیسی قاسم کی شہریت منسوخ کئے جانے کے اقدام کی بھی سخت الفاظ میں مذمت کی -
اسی طرح کے مظاہرے جمعرات کو بھی ہوئے جن کے دوران مظاہرین اور بحرینی پولیس کے درمیان شدید تصادم ہوا تھا - خبروں کے مطابق آل خلیفہ حکومت کے کارندوں نے مظاہرین کو منتشر کرنے کے لئے ان پر فائرنگ کی اور اشک آور گیس کا استعمال کیا - جس کے نتیجے میں متعدد بحرینی مظاہرین زخمی ہوگئے-
جمعے کو بھی بحرین کے مختلف شہروں میں بحرینی عوام نے نماز جمعہ کی ادائیگی کے بعد بحرین میں آل خلیفہ اور آل سعود کے جرائم کی مذمت کی- بحرینی نمازیوں نے گذشتہ برس سانحہ منیٰ میں شہید ہونےوالوں کے اہل خانہ سے ہمدردی کا اظہار کرتے ہوئے رمی جمرات کے دوران سعودی حکومت کی نااہلی اور بدانتظامی کی بھی مذمت کی -
۔۔۔۔۔۔۔۔۔۔۔۔۔۔۔
۲۴۲
