نابلس میں فلسطینیوں کی اراضی پر ناجائز قبضہ

ابنا: فلسطینی ذرائع کے مطابق صیہونی آباد کاروں نے یہ ناجائز قبضہ، نابلس کے ایک قصبے عصیرہ میں کیا جہاں انھوں نے فلسطینیوں کی زمینوں پر قبضہ کرکے وہاں خاردار تاروں کا حصار کھینچ دیا ہے۔ اس سے قبل صیہونی آباد کاروں نے جنوبی نالس میں ایتسہار روڈ پر فلسطینیوں کی دس سے زائد گاڑیوں اور نابلس و بیت اللحم میں دو اسکولوں پر حملہ کیا۔ فلسطین کے مختلف علاقوں میں صیہونی آباد کاروں کی جانب سے یہ حملے غاصب صیہونی حکومت کے فوجیوں کی حمایت سے انجام پارہے ہیں۔ ذرائع کے مطابق اس قسم کے جارحانہ اقدامات کا مقصد، مظلوم فلسطینیوں کو اپنا گھربار چھوڑنے پر مجبور کرنا ہے۔......./169