امريکا کا جاسوسي اسکينڈل

ابنا: بوليويا کے صدر ايوو موراليس نے  اعلان کيا ہے کہ امريکي جاسوسي تنظيم سي آئي اے نے ايک  سائبرحملے ميں بوليويا کے اہم سرکاري عہديداروں کے ايميل تک دسترسي حاصل کرلي ہے - انہوں نے امريکا کي سائبر جاسوسي کي مذمت کرتے ہوئے کہا کہ انہوں نے سيکورٹي خدشات کے پيش نظر اپنا ذاتي ايميل اکاؤنٹ بند کرديا ہے -بوليويا کے صدر ايوو موراليس نے امريکا کے وسيع جاسوسي پروگرام کي طرف اشارہ کرتے ہوئے کہا کہ سامراجي طاقتوں کے پاس جاسوسي کا مضبوط نيٹ ورک ہے جس کے ذريعے وہ مستقل طور پر دنيا کے آزاد ترقي پذير ملکوں کي جاسوسي کرتي  ہيں -انہوں نے بوليويا، ونيزوئلا اور اکواڈور سميت لاطيني امريکا کے بعض  ملکوں ميں موجود وسيع  قدرتي ذخائر کي طرف اشارہ کرتے ہوئے کہا کہ انہيں قدرتي ذخائر کي وجہ سے يہ ممالک امريکي جاسوسي کا نشانہ بنتے ہيں بنابريں ان ملکوں کو سياسي، ثقافتي اور فوجي ہر ميدان ميں امريکا کي جارحيت  کا مقابلہ کرنے کے لئے تيار رہنا چاہئے -  لاطيني امريکا کے ملکوں کي تنظيم مرکوسور کے سربراہي  اجلاس ميں بھي جو جمعے کے روز يورو گوئے کے دارالحکومت مونٹے ويڈيو ميں منعقد ہوا، رکن ملکوں کے سربراہوں نے امريکا کي جانب سے لاطيني امريکا کے ملکوں کي وسيع جاسوسي پر برہمي کا اظہار کيا تھا -  مرکوسور بلاک کے رکن ملکوں کے سربراہوں نے اپنے اجلاس کے اختتامي بيان ميں امريکي جاسوسي کے بارے ميں اعلان کيا کہ يہ شہري اور انساني حقوق کي خلاف ورزي ہے کہ لوگوں کي ذاتي زندگي ميں دراندازي کي جائے اور امريکا نے اپني جاسوسي کے ذريعے  ملکوں کے اقتدار اعلي کي بھي خلاف ورزي کي ہے -امريکا اور بوليويا کے درميان کشيدگي ميں اس وقت شدت آئي جب بوليويا نے امريکا کے جاسوسي اسکينڈل کو منظر عام پر لانے والے سي آئي اے اور امريکي نيشنل سيکورٹي ايجنسي کے سابق ايجنٹ ايڈورڈ اسنوڈن کو سياسي پناہ دينے کے لئے اپني آمادگي کا اعلان کيا -  اس سلسلے ميں بوليويا کے صدر نے اعلان کيا کہ ان کا ملک امريکا اور اس کے يورپي اتحاديوں سے ہرگز نہيں ڈرتا اور اسنوڈن نے درخواست کي تو ان کو سياسي پناہ ديں گے - بوليويا کے صدر نے اس موقف کا اعلان اس وقت کيا جب   فرانس، اٹلي، پرتگال اور اسپين نے دو جولائي کو  ان کے طيارے کو اس شک پر کہ اس ميں ايڈورڈ اسنوڈن ہوسکتے ہيں، اپني فضائي حدود سے گزرنے کي اجازت نہيں دي - اسي شک کي بناء پر بوليويا کے صدر کے طيارے کو آسٹريا ميں اتار ليا گيا تھا-لاطيني امريکا کي تجارتي تنظيم مرکوسور کے رکن ملکوں اور جنوبي امريکا کي حکومتوں نے مذکورہ  اس اقدام پر  اعتراض کرتےہوئے چاروں يورپي ملکوں سے اپنے سفيروں کو واپس بلاليا ہے - اسي دوران حکومت بوليويا نے اس امريکي سفارتکار کو قبول کرنے سے انکار کرديا جس کا نام امريکا نے لاپاز ميں اپنے سفير کے عنوان سے پيش کيا تھا-حکومت امريکا نے دو ہزار بارہ کے اواخر ميں جيمز نيلون کو بوليويا کے لئے اپنا سفير نامزد کيا تھا ليکن وکي ليکس نے گزشتہ جنوري ميں امريکا کي  مزيد خفيہ دستاويزات شائع کيں جن ميں بوليويا کے صدر ايوو موراليس کے بارے ميں جيمز نيلون کا منفي بيان بھي شامل تھا-بوليويا نے دو ہزار آٹھ ميں امريکي سفير فلپ گولڈ برگ کو حکومت کے مخالفين کي حمايت کرنے کي بناء پر اپنے يہاں سے نکال ديا تھا جس کے جواب ميں امريکا نے بھي بوليويا کے سفير کو واپس کرديا تھا- اسي وقت سے دونوں ملکوں کے درميان صرف تجارتي سطح پر روابط باقي ہيں-بوليويا کے صدر ايوو موراليس نے گزشتہ مئي ميں امريکا کي بين الاقوامي ترقياتي تنظيم کو بھي اپنے ملک کے داخلي امور ميں مداخلت اور حکومت کو کمزور کرنے کي سرگرميوں ميں ملوث ہونے  کي بناء پر  نکال ديا تھا –امريکا کي يہ تنظيم انيس سو چونسٹھ سے بوليويا ميں سرگرم تھي - اس پر بوليويا کے سماجي اور سياسي  اداروں کے  امور ميں مداخلت اور حکومت کے مخالف گروہوں کي حمايت کا الزام تھا - ......./169