ابنا: شام کي سرکاري خبر رساں ايجنسي سانا نے خبردي ہے کہ غرب اردن کے شہر بيت لحم کے سيکڑوں فلسطينيوں نے شام کي حکومت اور عوام سے اپني يکجہتي کا اعلان کرتے ہوئے اس ملک ميں غير ملکي مداخلت کي مذمت کي -فلسطيني باشندوں کا کہنا تھا کہ شامي حکومت اور عوام ہميشہ فلسطينيوں کے حامي رہے ہيں -فلسطينيوں نےاس مظاہرے ميں جو شام کے دفاع کے لئےعوامي کميٹي کي دعوت پر ہوا، غاصب صہیوني ریاست، مغربي حکومتوں ، ترکي اور بعض عرب ملکوں کے حمايت يافتہ دہشتگردوں کے ہاتھوں شام کي تباہي کي مذمت کي -مظاہرين نے اسي طرح عرب قوم کي حميت کے دفاع ميں شامي فوج کے کارناموں کو خراج تحسين پيش کيا اور کہاکہ شام کو آج انہي سازشوں کا سامنا ہے جن کا فلسطين سامنا کررہا ہے -شام کے دفاع کي عوامي کميٹي نے بيت لحم ميں اپنے بيان ميں کہا کہ شام کے عوام فوج اور حکومت فلسطيني عوام کے حقوق کي بازيابي کي ضمانت ہيں- فلسطيني مظاہرين کا کہنا تھا کہ آج شامي عوام اور فوج کا مقصد بھي وہي ہے جس کے لئے فلسطيني عوام جد و جہد کررہے ہيں.
.......
/169
