ابنا: فلسطيني گروہوں کے درميان ہونے والے قومي اتفاق رائے ميں ہميشہ ہي صيہوني حکومت نے رکاوٹيں ڈالي ہيں اور اس بات کي کوشش کي ہے کہ ان سمجھوتوں پر عملدرآمد نہ ہونے پائے تاہم اس بار فلسطيني گروہوں کے درميان قومي آشتي کے ليے مسلسل مذاکرات، اور مذاکرات کو حتمي شکل دينے کے ليے ان کي کوششوں کے پيش نظر ايسا لگتا ہے کہ فلسطينيوں نے قومي آشتي کے عمل کے راستے ميں آنے والي ہر رکاوٹ کو دور کرنے کا عزم کر رکھا ہے-
فتح اور حماس تحريکوں کے ليڈروں نے اتوار کي شام قاہرہ ميں اپني نشست ميں جو مصر کي نگراني ميں منعقد ہوئي، ايک سمجھوتے پر دستخط کيے ہيں جس سے قومي وفاق کي حکومت کي تشکيل کے بارے ميں دوحہ سمجھوتے کے نفاذ اور قومي آشتي پر عمل درآمد کي راہ ہموار ہو گئي ہے-
اس سلسلے ميں حماس کے ترجمان فوزي برہوم نے اعلان کيا ہے کہ موسي ابو مرزوق کي قيادت ميں حماس کے وفد نے عزام احمد کي قيادت ميں فتح کے وفد سے قاہرہ ميں مذاکرات کيے اور دونوں فريقوں کے درميان اہم باتوں پر اتفاق رائے ہوا ہے- انہوں نے کہا کہ فتح اور حماس کے درميان رواں مہينے کي ستائيس تاريخ کو انتخابي کميٹي کا کام شروع ہونے اور دوحہ سمجھوتے کي بنياد پر قومي آشتي کي حکومت کي تشکيل کے بارے ميں اتفاق رائے ہوا ہے-
انہوں نے بتايا کہ اتفاق رائے کي بنا پر فريقين کے درميان ہونے والے مذاکرات کے نئے دور کے دس دن بعد قومي آشتي کي حکومت کي تشکيل ہوني چاہيے اور اس حکومت کي مدت چھے ماہ کي ہوگي- يہ حکومت ان چھے مہينوں ميں پارليماني انتخابات کے انعقاد کي راہ ہموار کرے گي-
پارليماني انتخابات کي تاريخ کا اعلان بعد ميں کيا جائے گا-
حماس کے ترجمان فوزي برہوم نے اسي طرح کہا کہ فتح اور حماس کے درميان ہونے والے مذاکرات کے نگراں اور ثالث کي حيثيت سے مصر، سمجھوتے پر عمل درآمد کي نگراني کرے گا-
فتح کے نمائندے عزام احمد نے بھي پريس کانفرنس ميں کہا کہ نئے سمجھوتے کے مطابق انتخابي کميٹي غزہ پٹي سے اپنے کام کا آغاز کرے گي اور قومي وفاق کي حکومت کي تشکيل کے ليے گفتگو بھي عنقريب ہي شروع ہو جائے گي- حماس کے سياسي شعبے کے سربراہ خالد مشعل اور فلسطيني انتظاميہ کے سربراہ محمود عباس نے چھے فروري کو دوحہ ميں فلسطين ميں قومي وفاق کي حکومت کي تشکيل کے سمجھوتے پر دستخط کيے تھے
.......
/169
