گارڈین : اسرائیل کے پاس 400 ایٹم بم موجود

6 مارچ 2012 - 20:30

News ID: 301112

برطانوی اخبار گارڈین نے اپنے ایک تجزیے میں لکھا ہے کہ ایران کے پاس ایک ایٹم بم بھی نہیں ہے اور اس کے پر ایٹمی پروگرام کے بارے میں صرف شکوک و شبہات پھیلائے جارہے ہیں اور اسے دنیا کے لئے خطرہ بنا کر پیش کیا جارہا ہے جبکہ اسرائیل ایک غیر ذمہ دار ملک ہے جسکے پاس 400 ایٹمی بم موجودہیں جو پوری دنیا کے لئے خطرہ ہیں۔

ابنا: اخبار کے مطابق اسرائیل کے خفیہ ادارے موساد کے سابق سربراہ مئیر ڈاگان نے ایک سال پہلے کہا تھا کہ ایران کی ایٹمی تنصیبات پرحملہ کی باتیں احمقانہ ہیں فوجی کارروائی کے ذریعہ متعلقہ اہداف تک نہیں پہنچ سکتے اور ایران پر حملے کے نتیجے میں پورے علاقہ میں جنگ شعلہ ور ہوجائےگی۔

اخبار کے مطابق جب اسرائيل کے پاس 400 ایٹم بم موجود ہیں تو اسے کونسا خطرہ لاحق ہے اخبـار کےمطابق اسرائيل کو ایران کی طرف سے یورینیم افزودہ کرنے پر تشویش ہے جبکہ ایران کی تمام ایٹمی سرگرمیاں بین الاقوامی ایٹمی ایجنسی کی نگرانی میں ہیں۔
.......
/169