امریکہ بمقابلہ ایران، ایک بار پھر ناکام

ابنا: ایران کے تعلق سے امریکہ نے ہمیشہ مداخلت پسندانہ پالیسیوں پرعمل کیا ہے اور امریکی صدر باراک اوبامہ نے بھی اس پالیسی کی منظوری دی ہے۔ انیس سو ترپن میں امریکہ کی فوجی بغاوت اس کی ایک مثال ہے۔ اس کے بعد جب ایران کے انقلابی عوام کی اسلامی تحریک کو کچلنے کے لئے شاہ امریکہ کے احکام پر پوری طرح عمل کررہاتھا اور بڑے وحشیانہ طریقے سے عوام کا خون بہارہاتھا اس وقت کے امریکی صدر کارٹر نے شاہ کو فون کرکے امریکہ کی دوستی اور حمایت کا یقین دلایا اور نہتے عوام کے قتل عام پر اسے شاباشی دی اور اس کے لئے امریکہ کے فرامین پر عمل کرنے میں کامیابی کی خواہش ظاہر کی۔ کارٹر کے وزیرخارجہ نے ان باتوں کاجواز پیش کرتےہوئے کہا تھا کہ امریکی مفادات کا تقاضہ تھا کہ ہم شاہ کی حمایت کرتے ۔ امریکہ نے گذشتہ ایک برس میں بھی اسی پالیسی پرعمل کیا ہے اور مختلف اقدامات جیسے پابندیاں، حملوں کی دھمکیاں، نرم جنگ، دوہزار نو کے صدارتی انتخابات کے بعد ہونے والوں بلووں کی حمایت یہانتک کہ ایٹمی سائنس دانوں کی ٹارگٹ کلنگ سے بھی ملت ایران کے خلاف دشمنی کی ۔ جو چیز واضح ہے وہ یہ ہےکہ امریکہ کو انسانی حقوق کی کوئي فکر لاحق نہیں ہے بلکہ امریکہ بری طرح علاقائي قوموں کی اسلامی بیداری سے خائف ہے جس کے نمونے ہم ان ہی دنوں علاقے کے کئي ملکوں کے ڈکٹیٹیروں اور پٹھو حکومتوں کے خلاف عوام کے عظیم مظاہروں کی شکل میں دیکھ رہے ہیں۔ اسی وجہ سے امریکہ جو علاقے میں تمام مسائل کی جڑ ہے جھوٹے دعووں کے ساتھ خود کو آزادی اور انسانی حقوق کا حامی ظاہرکرنا چاہتاہے۔ اب دنیا امریکہ کے ان جھوٹے دعووں کو اچھی طرح سمجھ چکی ہے اور جانتی ہےکہ امریکہ ، گوانتانامو اور ابو غریب جیلوں میں انسانیت کے خلاف دحشت و تشدد کا ننگا ناچ ناچ کر، عراق و افغانستان میں لاکھوں افراد کا قتل عام کرکے ، غزہ کے خلاف صیہونی حکومت کے انسانیت سوز حملوں کی حمایت کرکے اور صیہونی حکومت کے خلاف قرار داد کوویٹو کرکے اب اگرانسانی حقوق کی بات کرتاہے تو یہ انسانی اقدار کا مذاق اڑانے کےعلاوہ اور کچھ نہیں ہے۔......./110