بھارتی جارحیت کے خلاف منفرد احتجاج، مسجد مورچے میں تبدیل

اہل بیت(ع) نیوز ایجنسی ـ ابنا | تحریک بیداری امت مصطفیٰ اور جامعہ عروۃ الوثقیٰ کے سربراہ علامہ سید جواد نقوی نے آج بھارت کے خلاف یوم احتجاج کی کال دی تھی۔ جس کے تحت ملک بھر میں احتجاجی مظاہرے کئے گئے۔ علامہ سید جواد نقوی نے خود لاہور میں جامعہ عروۃ الوثقیٰ میں جمعہ کے اجتماع سے خطاب کیا اور خطبہ جمعہ کیلئے اپنے منبر کو ’’جنگی مورچے‘‘ میں تبدیل کرکے ہاتھوں میں اعصاء کی بجائے کلاشنکوف اٹھا کر خطبہ دیا۔ ترجمان تحریک بیداری کے مطابق علامہ سید جواد نقوی کے اس اقدام کا مقصد بھارت کو پیغام دینا تھا کہ وطن کے دفاع میں ہماری مساجد بھی ہمارے مورچے ہیں۔
ترجمان تحریک بیداری کا مزید کہنا تھا کہ بھارتی جارحیت کیخلاف پوری قوم پاک فوج کے شانہ بشانہ اور متحد ہے، بھارتی جارحیت کا منہ توڑ جواب دیا جائے گا۔ انہوں نے کہا کہ رافیل طیارے سمیت دیگر طیاروں اور ڈورنز کی تباہی سے بھارت کو سبق مل گیا ہو گاکہ اس کا واسطہ کسی عام قوم سے نہیں پڑا بلکہ یہ ایک غیور اور بہادر قوم ہے، جو اپنے وطن کا دفاع کرنا جانتی ہے۔
۔۔۔۔۔۔۔۔۔
110