اہل بیت(ع) نیوز ایجنسی ـ ابنا کے مطابق، ابوعبیدہ نے کہا کہ غرب اردن کے بہادر مجاہدوں نے ایک بار پھر ثابت کردیا کہ وہ بھی طوفان الاقصی کارروائی کے مرکز میں کھڑے ہوئے ہیں اور انہیں شکست دینے یا غزہ کے عوام کے تئیں ان کی حمایت روکنے کی ہر کوشش ناکام ہوچکی ہے۔
ابوعبیدہ نے کہا کہ دشمنوں کو جان لینا چاہیے کہ انہیں غزہ اور غرب اردن میں قتل عام اور جارحیت کی قیمت اپنے فوجیوں اور غاصب فورسز کے خون سے چکانا پڑے گی۔
انہوں نے صہیونیوں کو خبردار کیا کہ اگر فلسطینی عوام کو سیکورٹی نہ ملی، تو غاصبوں کو بھی امن و سکون کا خواب تک دیکھنے نہیں دیا جائے گا۔
عزالدین قسام بریگیڈز کے ترجمان کا یہ بیان غرب اردن میں فلسطینی مجاہدوں کی اس کارروائی کے کچھ دیر بعد جاری ہوا جس میں تین صہیونیوں کو ہلاک کیا گیا تھا۔
بتایا جا رہا ہے کہ آج کی مزاحمتی کارروائی میں محاذ مقاومت کے مجاہدوں نے غرب اردن کے علاقے قلقیلیہ میں غاصب صہیونیوں کو لے جانے والی بس پر گولیوں کی بوچھاڑ کردی۔
