اہل بیت(ع) نیوز ایجنسی ـ ابنا ـ کے مطابق، صوبہ
ہرمزگان کے ڈپٹی گورنر احسان کامرانی نے پاکستانی بیڑے کے کمانڈر سے بات چیت کرتے
ہوئے کہا کہ ایران کے صوبہ ہرمزگان اور پاکستان کے مابین ثقافتی، معاشی اور سماجی
لحاظ سے بہت سے اشتراکات پائے جاتے ہیں۔
انھوں نے پاکستان کی بحریہ کے امن و دوستی کے بیڑے
کا خیرمقدم کرتے ہوئے کہا کہ ایران اور پاکستان کی بحریہ، معلومات اور تجربات کے
شعبے میں تعاون کرکے دونوں ممالک کے رشتوں کو مزید مضبوط بنا سکتی ہیں۔
احسان کامرانی نے کہا کہ تمام ریاستوں کے لئے
سلامتی اولین ترجیح ہے جسے علاقے کے ممالک باہمی تعاون سے حاصل اور غیرعلاقائی
طاقتوں سے چھٹکارا حاصل کرسکتے ہیں۔
انھوں نے اس موقع پر اسلامی جمہوریہ ایران کی
بحریہ کو ایک مضبوط اور مؤثر فوجی طاقت قرار دیا۔
پاکستان کے دوستی و امن فلوٹیلا کے کمانڈر ریئر
ایڈمیرل عمر نے بھی ایرانیوں کی مہماں نوازی کی تعریف کرتے ہوئے دونوں ممالک کی
بحریہ کے باہمی تعاون کو تاریخی اہمیت کا حامل اور دو ملکوں کے تبادلوں کو بھی سیاسی
ملاقاتوں جتنا اہم قرار دیا۔
انہوں نے کہا کہ ثقافتی اور مذہبی اشتراکات اور
دونوں قوموں کے مابین دوستی کے پیش نظر تہران اور اسلام آباد کے تعلقات کو فروغ دینا
ضروری ہے۔
واضح رہے کہ پاکستان کی بحریہ کا امن و دوستی
فلوٹیلا 21 دسمبر 2024 یعنی ہفتے کے روز بندرعباس پہنچا۔
ایران کے چار روزہ دورے کے موقع پر ریئر ایڈمیرل
عمر نے ایران کی بحریہ کے کمانڈروں سے ملاقات کے علاوہ اسلامی جمہوریہ ایران کے
شہداء کے مزار پر حاضری دی اور انہیں خراج عقیدت پیش کیا۔
پاکستان کی بحریہ کا وفد اس کے علاوہ دوستانہ
اسپورٹس مقابلوں اور ثقافتی اور سماجی پروگراموں میں شرکت کرے گا، دونوں ملکوں کے
جہازوں پر دوستی میں فروغ کی تقریبات اور خلیج فارس اور آبنائے ہرمز میں مشترکہ
فوجی مشقوں کا اہتمام بھی کیا جائے گا۔
۔۔۔۔۔۔
110
