امام حسین علیہ السلام کی شان میں 10 حدیثیں
1۔ رسول اللہ صلی اللہ علیہ و آلہ نے فرمایا:
إنَّ لِقَتلِ الحُسَينِ حَرارَةً في قُلوبِ المُؤمِنينَ لا تَبرُدُ أبَداً۔
امام حسین علیہ السلام کا قتل ایسا گرم داغ مؤمنین کے دلوں پر رکھے گا جو کبھی سرد نہ ہوگا۔
مستدرك الوسائل و مستنبط المسایل ج 10 ، ص 318۔
۔۔۔۔۔۔۔۔۔۔۔۔۔۔۔۔۔۔۔۔۔۔
2۔ رسول اللہ صلی اللہ علیہ و آلہ نے فرمایا:
بى اُنذِرتُم وَ بِعَلىِّ بنِ أبى طالِبِ اهْتَدَيتُم... وَ بِالْحَسَنِ اُعْطيتُمُ الإْحسانُ وَ بِالْحُسَينِ تَسعَدونَ وَ بِهِ تَشقونَ ألا وَ إنَّ الْحُسَينَ بابٌ مِن أبوابِ الْجَنَّةِ مَن عاداهُ حَرَّمَ اللّهُ عَلَيهِ ريحَ الْجَنَّةِ۔
میرے ذریعے تمہیں متنبہ کیا گیا اور خبردار کیا گیا اور علی علیہ السلام کے وسیلے سے ہدایت پاؤگے اور امام حسن علیہ السلام کے ذریعے تم پر احسان ہوگا اور امام حسین علیہ السلام کے ذریعے خوش بخت اور سعید ہوجاؤگے اور ان کے بغیر بدبخت ہوجاؤگے۔ جان لو کہ حسین جنت کے دروازوں میں سے ایک دروازہ ہے۔ جو بھی ان کے ساتھ دشمنی کرے گا خداوند متعال جنت کی خوشبو اس پر حرام کرے گا۔
البرهان فی تفسیر القرآن ج3 ، ص232۔
۔۔۔۔۔۔۔۔۔۔۔۔۔۔۔۔۔۔۔۔۔۔
3۔ امام حسین علیہ السلام نے فرمایا:
وَ حَقيقٌ عَلَى اللّهِ اَنْ لا يَاْتيَنى مَكْرُوبٌ اِلاّ اَرُدُّهُ وَ اَقْلِبُهُ اِلى اَهْلِهِ مَسْرورا۔
اور یہ خداوند متعال پر ہے کہ کوئی بھی غم زدہ اور مصیبت زدہ انسان میرے میں پاس نہیں آئے گا سوائے اس کے کہ میں اس کو شادمان و مسرور کرکے لوٹاؤں گا اور خاندان کے پاس پہنچا دوں گا۔
ثواب الأعمال و عقاب الاعمال ص 98۔
۔۔۔۔۔۔۔۔۔۔۔۔۔۔۔۔۔۔۔۔۔۔
4۔ امام سجاد علیہ السلام نے فرمایا:
رَحِمَ اللَّهُ الْعَبَّاسَ فَلَقَدْ آثَرَ وَ أَبْلَى وَ فَدَى أَخَاهُ بِنَفْسِه۔
اللہ کی رحمت ہو عباس علیہ السلام پر جنہوں نے ایثار کیا اور کوشش کی اور اپنی جان اپنے بھائی پر قربان کردی۔
خصال ج1 ، ص68 - امالی(صدوق) ص 462۔
۔۔۔۔۔۔۔۔۔۔۔۔۔۔۔۔۔۔۔۔۔۔
5۔ امام محمد باقر علیہ السلام نے فرمایا:
اِنّ الحُسَينَ صاحِبَ كَربَلا قُتِلَ مَظلوما، مَكروبا عَطشانا، لَهفانا فآلَى اللّهُ عَزَّوَجلّ عَلى نَفسِهِ اَن لا ياتيَهُ لَهفانٌ و لا مَكروبٌ و لا مُذنِبٌ و لا مَغمومٌ و لا عَطشانٌ و لا مَن بِهِ عاهَةٌ ثُمَّ دَعا عِندَهُ و تَقَرَّبَ بِالحُسَينِ بنِ عَلىٍّ علیه السلام اِلَى اللّهِ عَزَّوَجَلَّ إلاّ نَفَّسَ اللّهُ كُربَتَهُ وَ اَعطاهُ مَسأَلَتَهُ و غَفَرَ ذَنبَهُ وَ مَدَّ فى عُمُرِهِ وَ بَسَطَ فى رِزقِهِ فَاعتَبِروا يا اُولـِى الاَبصار۔
کربلا کے وارث و مالک حسین، مظلوم اور رنجیدہ خاطر، تشہ لب اور مصیبت زدہ شہید ہوئے۔ پس خداوند متعال نے اپنی ذات کی قسم اٹھائی کہ کوئی بھی مصیبت زدہ، رنجیدہ خاطر، گنہگار، غم زدہ، تشنہ لب اور بلا دیدہ انسان خدا کی طرف رخ نہیں کرے گا، اور قبر حسین علیہ السلام کے پاس دعا کرےگا اور آپ(ع) کو درگاہ الہی میں شفیع قرار دے گا، خداوند متعال اس کا غم ہٹا دیتا ہے اور اس کی حاجات کو برآوردہ فرماتا ہے اور اس کے گناہ بخش دیتا ہے اور اس کی عمر کو طولانی کردیتا ہے اور اس کے رزق کو وسیع کردیتا ہے۔ پس بصیرت والوں سے سبق سیکھو۔
مستدرک الوسایل و مستنبط المسایل ج10 ، ص239 - بحارالأنوار(ط-بیروت) ج 98، ص 46، ح 5
۔۔۔۔۔۔۔۔۔۔۔۔۔۔۔۔۔۔۔۔۔۔
6۔ امام صادق علیہ السلام نے فرمایا:
اَلبَرَكَةُ مِن قَبرِ الحُسَينِ بنِ عَلىٍّ عليه السلام عَشَرَةُ اَميالٍ؛
قبر امام حسین(ع) کے ارد گرد 10 میل کے فاصلے تک برکت ہے۔
بحارالأنوار(ط-بیروت) ج 98، ص116، ح 41
۔۔۔۔۔۔۔۔۔۔۔۔۔۔۔۔۔۔۔۔۔۔
7۔ امام صادق علیہ السلام نے فرمایا:
فى فَضلِ زِيارَةِ الحُسَينِ بنِ عَلىٍّ عليه السلام وَ لَقَد حَدَّثَنى أَبى عليه السلام: أَنَّهُ لَم يَخلُ مَكانُهُ مُنذُ قُتِلَ مِن مُصَلٍّ يُصَلّى عَلَيهِ مِنَ المَلائِكَةِ أَو مِنَ الجِنِّ أَومِنَ النسِ أَو مِنَ الوَحشِ و َما مِن شَىْءٍ إِلاّ وَهُوَ يَغبِطُ زائِرَهُ و َيَتَمَسَّحُ بِهِ و َيَرجو فِى النَّظَرِ إِلَيهِ الخَيرَ لِنَظَرِهِ إِلى قَبرِهِ۔
میرے والد امام باقر علیہ السلام نے امام حسین(ع) کی زيارت کی فضیلت میں ارشاد فرمایا: جس وقت سے امام حسین علیہ السلام کربلا میں شہید ہوئے ہیں آپ(ع) کا مقام شہادت فرشتوں، جنوں، وحشی حیوانات ـ جو آپ(ع) پر درود و سلام بھیجتے ہیں ـ سے خالی نہيں ہے؛ اور ہر چیز امام حسین(ع) کے زائر کے ساتھ غبطہ کرتی ہے اور اپنے جسم و وجود سے زائرین کو چھو لیتی ہے اور زائر امام حسین(ع) پر نظر کرکے خیر کی امید رکھتی ہے کیونکہ اس نے قبر امام حسین علیہ السلام کو دیکھ لیا ہے۔
کامل زیارات ص325 - مستدرك الوسايل مستنبط المسایل ج10، ص252، ح11952
۔۔۔۔۔۔۔۔۔۔۔۔۔۔۔۔۔۔۔۔۔۔
8۔ امام صادق علیہ السلام نے فرمایا:
لا تَدَع زيارَةَ الحُسَينِ بنِ عَلىّ عليه السلام و مُر اَصحابَكَ بِذالِكَ، يَمُدُّ اللّه فى عُمرِكَ و يَزيدُ اللّه فى رِزقِكَ و يُحييكَ اللّه سَعيدا و لاتَموتُ اِلاّ سَعيدا و يَكتُبكَ سَعيدا۔
امام حسین علیہ السلام کی زیارت کو ترک نہ کرو اور اپنے دوستوں کو بھی بھی زیارت سید الشہداء علیہ السلام کی تلقین کرو؛ کیونکہ اس صورت میں خداوند متعال آپ کی عمر طولانی کرتا ہے اور آپ کے رزق کو وسیع کردیتا ہے اور آپ کو زندگی کو سعادت اور خوش بختی سے مالامال کردیتا ہے اور آپ کو سعادت کے بغیر موت نہ آئے گی اور خداوند متعال آپ کو سعادتمندوں کے زمرے میں قرار دیتا ہے۔
كامل الزيارات ص 152
۔۔۔۔۔۔۔۔۔۔۔۔۔۔۔۔۔۔۔۔۔۔
9۔ امام علی بن موسی الرضا علیہ السلام نے فرمایا:
كانَ أبي إذا دَخَلَ شَهرُ الْمُحَرَّمِ لا يُرى ضاحِكاً۔
جب محرم کا مہینہ آن پہنچتا تھا کوئی بھی میرے والد (امام موسی کاظم علیہ السلام) کو مسکراتا ہوا نہيں دیکھ سکتا تھا۔
بحار الانوار(ط-بیروت) ج44 ، ص284۔
۔۔۔۔۔۔۔۔۔۔۔۔۔۔۔۔۔۔۔۔۔۔
10۔ حضرت امام زمانہ مہدی علیہ السلام نے فرمایا:
لأَندُبَنَّكَ صَباحاً و مَساءً و لأَبكِيَنَّ عَلَيكَ بَدَلَ الدُّمُوعِ دَماً۔
میں ہر صبح و شام آپ کے لئے روتا ہوں اور آپ کے لئے آنسؤوں کے بجائے خون بہاتا ہوں۔
بحار الأنوار(ط-بیروت) ج 98 - ص 238
۔۔۔۔۔۔۔۔۔۔۔۔۔۔۔۔۔۔۔۔۔۔
ترجمہ: فرحت حسین ۔مہدوی