حرم مطہر رضوی میں غیر ملکی زائرین کے شب و روز سوالات کے جوابات

اہل بیت(ع) نیوز ایجنسی۔ابنا۔ سید محمد جواد ہاشمی  نژاد نے کہا کہ آستان قدس رضوی کے ادارہ زائرین غیرایرانی نے  شرعی احکام اور دیگر دینی امور سے متعلق سوالات کے جوابات دینے  اور  ان زائرین   کی فکری اور نظریاتی سطح کو بلند  کرنے نیز  جدید نسل میں اسلامی  اقدار کی تقویت کے مدنظر  متعدد مراکز  قائم  کئے ہیں ۔

انہوں نے کہا کہ  عرب زبان زائرین 32003232 نمبر پر، انگریزی بولنے والے   زائرین صبح 8 بجے سے شام 7 بجے تک 32002800 نمبر پر اور باقی تمام غیرایرانی زائرین اور اسی طرح بیرون ملک  مقیم ایرانی 32002402 نمبر پر رابطہ کرسکتے ہیں اور  شرعی  احکام و مسائل سے متعلق اپنے سوالات کے جوابات،  اور  ساتھ ہی اعتقادی و دینی سوالات کے جوابات بھی  علماء سے فون کرکے معلوم کرسکتے ہیں۔

ہاشمی نژاد نے قرائت قرآن و تجوید کی تعلیم  کی کلاسوں کو اس ادارہ کی دیگر خدمات  قراردیتے ہوئے    کہا کہ نوجوانوں کے سوالوں کے صحیح اور منطقی و مدلل جواب  اور  درست  سمت  میں    ان کی رہنمائي    سے دینی  عقائد کی تقویت  او ر شبہات کے رفع ہونے کے  ساتھ ساتھ حتی دیگر ادیان کے نوجوان بھی اسلام کی جانب مائل ہوں گے  اور خود مسلمانوں میں انحراف کا خطرہ کم یا پھر ختم ہوجائے گا  ۔  



/129