اہل بیت(ع) نیوز ایجنسی۔ابنا۔ کراچی (اسٹاف رپورٹر) شیعہ علماء کو نسل پاکستان صوبہ سندھ کے صدر علامہ سید ناظر عباس تقوی نے صوبائی دفتر میں ذمہ داران کے اجلاس میں کراچی کی مختلف شاہراؤں پر تعمیراتی کاموں کی سستی روی پر شدید تنقید کرتے ہوئے کہا ہے کہ صوبائی گورنمٹ کے ذمہ دارانہ کی دانستہ غفلت عوام کی مشکلات میں اضافے کا باعث بنی ہوئی ہے مختلف شاہراؤں کی عارضی بندش نے ٹریفک کے نظام میں خلل پیدا کر رکھا ہے ڈرگ روڈ پرمنٹوں کے فاصلے کو گھنٹوں میں بھی طے کرنا مشکل ہو گیا ہے مریضوں، طلبا اور ملازمین کے لیے یہ صورتحال انتہائی تکلیف دہ ہے شاہراؤں کی بحالی حکومتی عدم توجہی کا شکارہے عوام کو سہولیات کی فراہمی کے حکومتی دعوے آنکھوں میں دھول جھونکنے کے مترادف ہیں زیر تعمیرسڑکوں پر حفاظتی انتظامات نہ ہونے کے باعث حادثات معمول کی شکل اختیار کر گئے ہیں دھول اور گرد و غبارکی وجہ سے لوگ سانس کے عارضے سمیت مختلف جلدی امراض میں مبتلا ہو رہے ہیں شاہراؤں کی حالت دیکھ کر لگتا ہے جیسے پورے شہر کی بغیر کسی تعمیری منصوبہ بندی کے کھدائی کی جا رہی ہے انہوں نے کہا کہ عوامی مشکلات کا اندازہ ائیر کنڈیشنر کمروں میں بیٹھ کر نہیں کیا جا سکتاقوم کے نمائندوں کا یہ فرض منصبی ہے کہ وہ عوام میں جا کر ان کی تکالیف سے آگاہ ہوانہوں نے صوبائی گورنمٹ سے مطالبہ کیا کہ عوام کی مشکلات کو حل کیا جائے شاہراؤں کی تعمیر کے کام میں تیزی لائی جائے تاکہ عوام کو درپیش سفری مشکلات کا ازالہ ہو سکے۔
۔۔۔۔۔۔۔۔۔۔۔۔۔۔
۲۴۲
