اہل بیت(ع) نیوز ایجنسی۔ابنا۔ آیت اللہ کاشانی نے آج تہران کی نماز جمعہ کے خطبوں میں ویانا میں گروپ پانچ جمع ایک کے ساتھ ہونے والے ایٹمی مذاکرات کی مدت میں توسیع کی جانب اشارہ کرتے ہوئے کہا کہ اسلامی جمہوریہ ایران اسلامی اصولوں، آئين اور قیادت کے سہارے پرامن ایٹمی انرجی سے استفادے کی کوشش کررہا ہے۔ آیت اللہ امامی کاشانی نے کہا کہ ایران کی ایٹمی مذاکراتی ٹیم نے دنیا پر ثابت کردیا ہے کہ اسلامی جمہوریہ ایران ایٹمی ہتھیاروں کی فکر میں نہيں ہے اور ملک کی ترقی کی ضرورت کی بنیاد پر، پرامن ایٹمی انرجی سے استفادے کے لئے پرعزم ہے۔ خطیب نماز جمعہ تہران نے تاکید کے ساتھ کہا کہ ایران کی ایٹمی مذاکراتی ٹیم قوم اور قیادت کی حمایت سے مذاکرات کر رہی ہے اور گروپ پانچ جمع ایک اسلامی جمہوریہ ایران کو اپنے مطالبات منوانے پرمجبور نہيں کرسکتا۔ آیت اللہ امامی کاشانی نے انتہاپسند اور تکفیری گروہوں کے خطرے کے سلسلے میں قم میں عالمی کانفرنس کے انعقاد کو سراہتے ہوئے کہا کہ اسلامی ممالک میں تکفیری فکر کو بیان کیاجائے اور یہ شیعہ سنی دینی مدارس کی ذمہ داری ہے۔ تہران کے خطیب نماز جمعہ نے بحرین کے مذہبی پیشوا آیت اللہ شیخ عیسی قاسم کے گھر پر آل خلیفہ کے فوجیوں کے حملے کی بھی مذمت کی اور کہا کہ حکومت بحرین کو اس ملک کے عوام کے سلسلے میں پرامن راستہ اختیار کرنا چاہئے۔
۔۔۔۔۔۔۔۔۔۔۔۔۔۔۔
۲۴۲
