شامی فوج کا کامیاب آپریشن جاری

ابنا: شام کی فوج نے دمشق کے مضافات میں آپریشن کرکے ایک سو سےزائد دہشتگردوں کو ہلاک کردیا ہے۔ فوج نے اسی طرح دمشق کے ریف القنیطرہ علاقے سے 25 دہشتگرودوں کو بھی گرفتار کیا ہے۔دوسری جانب فوج نے شمال مشرقی علاقے ریف الرقۃ کو دہشتگردوں کے قبضے سے نکال لیا ہے۔ اطلاعات کے مطابق شہر حلب میں بھی شام کی فوج نے دسیوں دہشتگردوں کو ہلاک کیا ہے۔ اسی طرح فوج کو حمص کے مختلف علاقوں میں بھی کامیابیاں حاصل ہوئی ہیں جبکہ دوسرے علاقوں میں فوج کا آپریشن جاری ہے۔  دوسری جانب امریکی اخبار نیویارک ٹائمزنے رپورٹ دی ہے کہ قطر نے شام کے باغیوں کو اینٹی ایرکرافٹ میزائیل فراہم کئے ہیں۔نیویارک ٹائمز نے رپورٹ دی ہےکہ اوباما انتظامیہ نے اپنے عرب اتحادیوں سے کہا تھا کہ شام کے باغیوں کو اینٹی ایرکرافٹ میزائل فراہم نہ کئےجائيں جو کندھے پر رکھ کر داغے جاسکتے ہیں کیونکہ یہ ہتھیار القاعدہ کے ہاتھ لگ سکتےہیں اور ان سے مسافر طیاروں کو بھی نشانہ بنایا جاسکتا ہے۔اس اخبار کے مطابق قطر نے امریکہ کی یہ درخواست نہیں مانی ہے۔ اطلاعات کے مطابق قطر نے شام کے دہشتگردوں کو اینٹی ایرکرافٹ میزائيل کے دوکھیپ فراہم کئےہیں۔ واضح رہے امریکہ نے ایسے عالم میں یہ ریاکارانہ دعوی کیا ہےجبکہ خود اس نے سی آئی اے کو شام کے دہشتگردوں کو مختلف ممالک سے ہتھیار فراہم کرنے کی ذمہ داری سونپ رکھی ہے۔ امریکہ کے سابق قومی سلامتی کے مشیر برژنسکی کے مطابق شام میں جاری بحران کا بنیادی سبب امریکہ ہی ہے۔...../169