ہند پاک تعلقات میں بہتری کی امید

ابنا: ہندوستان کے وزیر خارجہ سلمان خورشید نے کہا ہے کہ پاکستان کی نئی حکومت نے ہندوستان کے ساتھ تعلقات بہتر بنانے کیلئے اچھے اشارے دیئے ہیں تاہم راتوں رات کسی کرشمے کی توقع نہیں رکھی جاسکتی۔ہندوستان کے وزیر خارجہ سلمان خورشید، دارالحکومت نئی دہلی میں پاکستان کے وزیراعظم محمد نواز شریف کے اس بیان پر اپنے رد عمل کا اظہار کررہے تھے جس میں انھوں نے کہا تھا کہ اسلام آباد اور نئی دہلی کے دو طرفہ تعلقات بتدریج بہتر بنائے جا‏ئیں گے۔ہندوستان کے وزیر خارجہ سلمان خورشید نے کہا کہ دو طرفہ تعلقات میں بہتری کیلئے ابھی کچھ وقت درکار ہوگا تاہم خوشی کی بات یہ ہے کہ دو طرفہ مذاکرات کے دروازے کھلے ہو‏ئے ہیں۔۔۔۔۔۔۔۔۔۔۔۔۔۔۔۲۴۲