شمالی کوریا کی امریکہ پر ایٹمی حملے کی منظوری

ابنا: غیرملکی خبررساں ایجنسی کی رپورٹ کے مطابق شمالی کوریا کی فوج نے آج جمعرات کو ایک بیان جاری کرکے اعلان کیا کہ اسے امریکہ پر بے رحمانہ حملوں کی اجازت مل گئی ہے جن میں ایٹمی حملے بھی شامل ہیں۔آرمی چیف کے مطابق شمالی کوریا نےمکمل غور فکر کے بعد حتمی طور پر امریکا پر حملے کا فیصلہ کیا ہے، شمالی کوریا واشنگٹن کی دھمکیوں کا  چھوٹے بڑے اور درمیانے ہرطرح کے ایٹمی ہتھیاروں کے ذریعے جواب دےگا۔شمالی کوریا کی جانب سے یہ اعلان امریکا کے گوام میں دفاعی میزائل نظام نصب کرنے  کے فیصلے کے فوری بعد سامنے آیا ہے۔شمالی کوریا نے اس سے قبل بھی امریکہ پر پیشگی حملوں کی دھمکیاں دی تھیں۔اس سے قبل امریکی وزیر دفاع چیک ہیگل نے شمالی کوریا کی ایٹمی طاقت کا اعتراف کرتے ہوئے کہا کہ امریکہ، چین اور دوسرے ممالک کے تعاون سے شمالی کوریا کے مقابلے کے لئے ہرممکن کوشش کرے گا۔۔۔۔۔۔۔۔۔۔۔۔۔۔۲۴۲