پرویز مشرف کے وارنٹ گرفتاری

ابنا: بعض ذرائع کے مطابق محمد اقبال ایڈووکیٹ نے 2004ء کو پرویز مشرف کے خلاف ڈسٹرکٹ اینڈ سیشن جج کی عدالت میں درخواست دائر کرتے ہوئے مؤقف اختیار کیا تھا کہ وہ حساس ادارے کے ملازم عتیق الرحمن اور اقبال کے اغواء میں ملوث ہیں۔  2009ء میں عدالت نے کیس کا فیصلہ سناتے ہوئے پرویز مشرف کو مفرور قرار دیا اور انکی جائیداد ضبط کرنے کے احکامات جاری کئے تھے۔  دوسری جانب پاکستان کے ایف آئی اے حکام نے ہدایت جاری کی ہے کہ سابق صدر پرویز مشرف کو بیرون ملک نہ جانے دیا جائے۔ جا ری کئے گئے ہدایت نامہ کے مطابق پرویز مشرف ملک کے کسی بھی ایئرپورٹ سے بیرون ملک نہیں جاسکتے۔ ایف آئی اے حکام نے امیگریشن حکام کو باقاعدہ تحریری طور پر ہدایات جاری کردی ہیں ۔......./169