ایران دشمنوں کے مقابلہ میں ڈٹا ہوا ہے

ابنا: ارنا کی رپورٹ کے مطابق آج تہران میں ایران کی دفاعی صنعتوں کے ادارے کے شہدا کو خراج عقیدت پیش کرنے کے لئے ایک اجتماع منعقد ہوا۔اس اجتماع سے خطاب کرتے ہوئے وزیر دفاع بریگیڈیر جنرل احمد وحیدی نے کہاکہ ایران  بے خوف و خطر تسلط پسندانہ نظام کے مقابل پوری طاقت کے ساتھ ڈٹا ہوا ہے۔انہوں نے کہا کہ ایران کی یہ طاقت و شجاعت ایرانی معاشرے میں جذبۂ ایثار و شہادت کے راسخ  ہونے کی وجہ سے  ہے۔انہوں نے کہاکہ اگر ایرانی معاشرہ آج برتر ہے اور سب اس کی طاقت کے معترف ہیں تو یہ سب ایران میں جذبۂ ایثار و شہادت کے فروغ کا نتیجہ ہے۔