ایرانی ماہرین کی صلاحیتیں اطمینان بخش

ابنا: اسلامی جمہوریہ ایران کے ریڈیو ٹی وی کے ادارے ، آئي آر آئي بی، کے سربراہ عزت اللہ ضرغامی نے تہران کے مغرب میں واقع شہر، زنجان میں ایک تقریب سے خطاب کرتے ہوئے جدید ترین ٹرانسمیٹربنانے کے سلسلے میں آئي آر آئي بی کے نئے منصوبوں کی طرف اشارہ کیا اور کہا کہ ایران میں ریڈیو ٹی وی کے جدید ترین اور طاقتور ٹرانسمیٹروں کی تیاری میں خود کفیل ہونا، ایرانی ماہرین کی اچھی اور اطمینان بخش صلاحیتوں کی علامت ہے۔انہوں نے ایران کے خلاف اقتصادی پابندیوں کے اصل ہدف کو نفسیاتی اور تشہیراتی اقدام بتایا اور کہا کہ بعض سیٹلائٹوں سے ایرانی چینلوں کی نشریات بند کرنے کی وجہ، عالمی برادری پر ایرانی چینلوں کے اثرات سے تسلط پسند نظام کی تشویش ہے۔ ان کا کہنا تھا کہ متبادل راہوں سے دنیا کے تمام علاقوں میں اسلامی جمہوریہ ایران کے چینلوں تک دست رس کا امکان موجود ہے۔۔۔۔۔۔۔۔۔۔/110