صدر :خرمشہر کی فتح ایک عظیم کارنامہ

ابنا: ڈاکٹر احمدی نژاد نے ایران کے جنوب میں واقع ماہ شہر میں تین پٹروکمیکل کارخانوں کی افتتاحیہ تقریب میں خرمشہر کی آزادی کی سالگرہ کی طرف اشارہ کرتےہوئے کہا کہ ملت ایران کو گھٹنے ٹیکنے پر مجبور کرنے کےلئے تمام شیطانی اور مادی طاقتیں ایک جگہ جمع ہوچکی ہیں کیونکہ وہ چاہتی ہیں کہ ملت ایران کو جو کہ اپنی ثقافت، عقائد اور ایمان کےسہارے آزاد اور خود مختار رہنا چاہتی ہے گھٹنے ٹیکنے پر مجبور کرسکیں۔ انہوں نے کہا کہ دنیا کی بڑی اور شیطانی طاقتوں نے متحد ہوکر ملت ایران کو شکست دینے کی کوشش کی لیکن ملت ایران نے خدا پر توکل کرتے ہوئے اس کے فضل وکرم سے شیطانی طاقتوں کو ناکام بنادیا۔ انہوں نے خرمشہر کی فتح کو تمام اقدارکی فتح اور شیطانی طاقتوں کی شکست سے تعبیر کیا۔ صدر جناب احمدی نژاد نے کہا کہ خرمشہر کی آزادی کا معجزہ ایسا ہے جس کے بارے میں امام خمینی قدس سرہ نے فرمایا تھا کہ خرمشہر کو خدا نے آزاد کیا ہے یعنی خرمشہر کو آزاد کرانے والوں کی نیتیں خدائي تھیں سب کو خدا پر بھرپور توکل تھا اسی وجہ سے خدا نے ملت ایران کی مدد کی۔ قابل ذکرہے چوبیس مئي انیس سوبیاسی کو ایران کے مجاھدوں نے خرمشہر کو صدامی افواج جنہیں سامراجی اور سامراج کی آلہ کار عرب رجعت پسند حکومتوں کی حمایت حاصل تھی آزاد کرایا تھا۔ خرمشہر کی فتح فوجی لحاظ سے ایک عظیم کارنامہ شمار ہوتا ہے جس پر آج تک فوجی ماہرین انگشت بدنداں ہیں۔......./169