ابنا: وزارت خارجہ کے ترجمان رامين مہمان پرست نے وارسا ميں نامہ نگاروں سے گفتگو کرتے ہوئے ايران کي پرامن ايٹمي سرگرميوں کو جبرا رکوانے کے لئے مغربي ممالک کي جانب سے ايران پر عائد کي جانے والي پابنديوں کي مذمت کي اور کہا کہ پابنديوں سے ايران کے لئے بڑے اچھے نتائج سامنے آئے ہيں کيونکہ اس کي وجہ سے مختلف صنعتي و تجارتي شعبوں ميں ايران خود انحصاري کي منزل تک پہنچ گياـ
رامين مہمان پرست نے پابنديوں کو غير قانوني اور بلا جواز قرار ديا اور کہا کہ ايسے حالات ميں جب بہت سے ممالک کي اقتصادي ترقي کي شرح صفر فيصدي ہے ايران کي قومي پيداوار ميں چھے اعشاريہ دو فيصدي کا اضافہ ہوا ہےـ
رامين مہمان پرست نے ايران پر دشمنوں کے حملے کے امکان کي ترديد کرتے ہوئے کہا کہ دشمنوں کو علم ہے کہ ان کے ہر حملے کا ايران کي جانب سےبہت سخت جواب ديا جائےگاـ وزارت خارجہ کے ترجمان نے جو پولينڈ کے حکام سے مذاکرات کرنےکے لئے وارسا پہنچے ہيں کہا کہ اس وقت ايران دشمن کي ہر جارحيت کا جواب دينے کي ضروري دفاعي صلاحيت سے سرشار ہے-......
/169
