اہل بیت (ع) نیوز ایجنسی ابنا کے مطابق، زیمبابوے میں اسلامی جمہوریہ ایران کے سفارتخانے کے ایکس اکاؤنٹ نے امریکی صدر ڈونلڈ ٹرمپ اور ان کی حکومت کے عہدیداروں کی جانب سے آبنائے ہرمز کھلے ہونے کے دعوے کو دہرانے پر ایک طنزیہ پیغام میں کہا: ’’آبنائے ٹرمپ کھلی ہے، لیکن آبنائے ہرمز بند ہے۔‘‘
یہ پیغام ایسے وقت میں سامنے آیا جب عالمی منڈیوں کے کھلنے میں صرف چند گھنٹے باقی تھے اور امریکہ کے اعلیٰ حکام نے تیل کی قیمتوں کو قابو میں رکھنے کے مقصد سے مسلسل انٹرویوز میں آبنائے ہرمز کھلے ہونے کا دعویٰ دہرایا۔
امریکی وزیر خزانہ اسکاٹ بیسنٹ نے بھی ٹرمپ کے دعوے کو دہراتے ہوئے کہا: ’’ایران کہتا ہے کہ اگر کوئی معاہدہ طے پا گیا تو وہ آبنائے ہرمز کھول دے گا، لیکن آبنائے ہرمز کھلی ہے۔‘‘
ایران کے ساتھ جنگ کے نتیجے میں امریکہ میں ایندھن اور اشیائے خورونوش کی قیمتوں میں اضافے کے باعث اندرونِ ملک تنقید اور ٹرمپ حکومت پر دباؤ میں اضافے کے ساتھ ہی ٹرمپ نے، جو اپنی خیالی دنیا میں آبنائے ہرمز کا نام بدل کر ’’آبنائے ٹرمپ‘‘ رکھ چکے ہیں، ہفتے کے روز ایک جعلی تصویر جاری کرکے ایک بار پھر یہ دعوے دہرائے۔
آپ کا تبصرہ