اہل بیت نیوز ایجنسی ابنا کی رپورٹ کے مطابق،اسلامی مزاحمتی تحریک حماس نے مطالبہ کیا ہے کہ اسرائیلی حکام جنگ بندی معاہدے کے پہلے مرحلے کی تمام شقوں پر مکمل عمل کریں تاکہ دوسرے مرحلے کے مذاکرات کی راہ ہموار ہو سکے۔
حماس کی جانب سے جاری بیان کے مطابق تنظیم کا ایک وفد گزشتہ ہفتے قاہرہ میں ثالثوں اور فلسطینی گروہوں کے ساتھ متعدد ملاقاتوں اور مذاکرات میں شریک ہوا۔ ان مذاکرات کا مقصد غزہ میں جنگ بندی معاہدے کے پہلے مرحلے کی مکمل عملدرآمد کو یقینی بنانا تھا، جو شرم الشیخ معاہدے کے تحت طے پایا تھا۔
بیان میں کہا گیا ہے کہ اسرائیل معاہدے کی اپنی ذمہ داریوں کو پورا کرنے کے بجائے روزانہ کی بنیاد پر اس کی خلاف ورزی کر رہا ہے۔
حماس نے واضح کیا کہ اس نے مذاکرات میں مثبت اور ذمہ دارانہ رویہ اختیار کیا ہے اور ثالث ممالک کے ساتھ مسلسل رابطے اور ہم آہنگی جاری رکھنے پر آمادگی ظاہر کی ہے۔
تنظیم نے اس بات پر زور دیا کہ اسرائیل کو پہلے مرحلے کی شقوں پر عمل کرنے پر مجبور کیا جانا ضروری ہے تاکہ دوسرے مرحلے کے بارے میں سنجیدہ مذاکرات کا آغاز ہو سکے، جس کا مقصد غزہ کے عوام کی مشکلات کا خاتمہ، اسرائیلی افواج کا مکمل انخلا اور تعمیر نو کے عمل کا آغاز ہے۔
حماس نے یہ بھی کہا کہ یہ پیش رفت امریکی صدر ٹرمپ کی تجویز اور شرم الشیخ معاہدے کے فریم ورک کے مطابق ہونی چاہیے تاکہ خطے میں دیرپا استحکام ممکن بنایا جا سکے۔
آپ کا تبصرہ