سعودی عرب کے جنگی طیاروں کی بمباری

موصولہ رپورٹ کے مطابق یمن کے الحوثی تحریک نے ایک بیان میں کہا ہے کہ سعودی لڑاکا طیاروں نے شمالی یمن پر اپنی بمباری کا سلسلہ جاری رکھتے ہوئے کل اٹھارہ بار یمن کی فضائي حدود کی خلاف ورزی کی ۔ اور صوبۂ صعدہ کے مختلف علاقوں پر چار سو پچاس میزائیل داغے ۔ سعودی عرب کے آپاچی ہیلی کاپٹروں نے بھی تین بار حوثی مجاہدین کے زیر قبضہ سعودی فوجی اڈے "الجابری" پر بمباری کی ہے۔ واضح رہے کہ شمالی یمن پر سعودی عرب اور یمنی فوج کے حملوں کے نتیجے میں دو لاکھ پچاس ہزار یمنی باشندے اپنا گھر بار چھوڑنے پر مجبور ہوچکے ہیں جبکہ ان حملوں میں سیکڑوں عام شہری شہید اور زخمی ہوچکے ہیں۔