خوست میں جھڑپ،27طالبان کی ہلاکت کا دعویٰ

افغان صوبہ خوست میں سینئر بارڈر پولیس افسر شیر احمد کوچی نے بتایا کہ طالبان نے ضلع تانی کے سرحدی علاقے میں قائم ایک پولیس چیک پوسٹ پر حملہ کیا ۔جس کے بعد پولیس نے جوابی کارروائی کی ۔۔جس میں اتحادی افواج نے بھی فضائی معاونت کی ۔اس دوران کئی گھنٹے تک جاری رہنے والی جھڑپوں میں 27 طالبان مارے گئے ۔ان کا کہنا تھا کہ ہلاک ہونے والوں میں زیادہ تر غیر ملکی ہیں ۔ 13 طالبان کی لاشیں مل گئی ہیں جب کہ زخمی حالت میں چیچنیا سے تعلق رکھنے والے ایک دہشتگرد کو گرفتار کرلیا گیا ہے۔