اہل بیت(ع) نیوز ایجنسی۔ابنا۔ مسلم دنیا کے معاملات میں رہبر انقلاب کے مشیر’’ آیت اللہ تسخیری‘‘ نے کہا ہےکہ امن و استحکام ایک علاقے یا خطے کا مسئلہ نہیں ہے بلکہ یہ پوری عالم انسانیت کامسئلہ ہے جس کے حصول کیلئے اقوام عالم کو جی توڑ کوشش کرنی چاہئے ۔
انہوں نے کہا کہ امن واستحکام اور حفاظت بنی نوع انسان کے دومورثی مطالبات ہیں اور اس فطرت کی وجہ سے انسان ہمیشہ امن و استحکام کا خواہاں رہاہے ۔
آیت اللہ تسخیری نے کہا کہ بدقسمتی سے موجودہ دورمیں کچھ حکومتوں کی طرف سے اپنے لادینی مفادات کو پائے تکمیل تک پہنچانے کیلئے اس مانگ کو نظراندازکیا گیا ہے ۔
انہوں نے کہا کہ بنی نوع انسان ظلم وجبر کے خیالات کو چھوڑ کراور مذہبی عقائد پر عمل کرکے ہی امن وسکون کی زندگی گذارسکتا ہے ۔
موصوف عالم دین نے کہا کہ تمام متقی اورپرہیزگار شخصیات نے ہمیشہ بنی نوع انسان کو نبیوں اورائمہ کے طرززندگی کی طرف رہنمائی کی ہے۔
۔۔۔۔۔۔۔۔۔۔۔۔۔
۲۴۲
